Consonante fricativa

Una consonante fricativa ye la que se produz por un estrechamientu o constricción de dos órganos articulatorios que modifiquen la corriente d'aire, aniciando un resfregón aturbolináu. (Nes aproximantes el fluxu nun aportar# a tan aturbolináu). Los órganos qu'estrechen el pasu del aire pueden ser el llabiu inferior y los dientes cimeros, como en [f]; l'envés de la llingua contra'l cielu la boca blandu, como en [x]; o'l llateral de la llingua contra los molares inferiores, como en [ɬ]. Como sinónimos menos frecuentes (y de cutiu ambiguos) de fricativa úsase espirante y estridente.

Exemplu de consonantes fricatives del castellán son les fricatives sordes /s, f, x/. En castellán antiguu tamién esistieron fricatives sonores /z, β, ʒ/, amás de les sordes /h/ (que tuvo como alófonos a [ɸ], [h] y /ʃ/.