Papa Franciscu
Franciscu (en llatín: Franciscus) (17 d'avientu de 1936, Buenos Aires, Arxentina), que nació como Jorge Mario Bergoglio, ye'l papa númberu 266 de la Ilesia Católica. Resultó elixíu'l 13 de marzu de 2013,[12] depués de la renuncia al cargu de Benitu XVI, polos cardenales que votaron nel cónclave. Ye'l primer pontífiz americanu y el primer papa nun européu desde el sirio Gregorio III falleciú en 741. Diba años, depués de la muerte del papa Xuan Pablu II el 2 d'abril de 2005, considerárenlu candidatu pa ocupar el puestu de Sumu Pontífiz, pero al final elixeron a Joseph Ratzinger.
Escoyó'l so nome papal n'honor de San Franciscu d'Asís.[13]. Al ser el primer pontífiz con esi nome, nun tomará numberal nengún; polo tanto la so denomación será la de papa Franciscu, y non papa Franciscu I.[14]
Exerciera d'arzobispu de Buenos Aires dende 1998, siendo promovíu a Cardenal nel 2001.
Biografía
editarJorge Bergoglio nació na ciudá de Buenos Aires el 17 d'avientu de 1936, fíu d'un matrimoniu d'italianos formáu por Mario Bergoglio (emplegáu ferroviariu) y Regina (ama de casa).
Graduóse na escuela secundaria industrial ENET N º 27 Hipolito Yrigoyen, col títulu de téunicu químicu. A los 21 años (en 1957) va decidir convertise en sacerdote. Ingresó nel seminariu del barriu Vila Devot, como noviciu de la orde xesuita.
Sacerdociu
editarOrdenáronlu sacerdote'l 13 d'avientu de 1969. Dende entós fadrá una llarga carrera dientro del orde de la que va llegar a ser «provincial» dende 1973 hasta 1979, yá mientres la Dictadura cívico-militar arxentina.
Obispu y cardenal
editarDepués d'una gran actividá como sacerdote y profesor de teoloxía, conságrase obisbu titular d'Auca'l 20 de mayu de 1992, pa exercer como ún de los cuatro obispos auxiliares de Buenos Aires.
Cuando la salú del so predecesor na archidiócesis de Buenos Aires, l'arzobispu Antonio Quarracino torna feble, Bergoglio ye designáu coaxutor el 3 de xunu de 1997 p'algamar, a la fin, el cargu d'arzobispu de Buenos Aires el 28 de febreru de 1998.
Mientres el colexu cardenaliciu del 21 de febreru de 2001, el papa Xuan Pablu II nómalu cardenal del títulu de santu Roberto Belarmino. Amás constitúise na primacía d'Arxentina, resultando asina'l superior xerárquicu de la Ilesia católica d'esti país.
Forma parte de la Comisión p'América Llatina, la Congregación pal Cleru, el Conseyu Pontificiu pa la Familia, la Congregación pal Cultu Divín y la Disciplina de los Sagramentos , el Conseyu Ordinariu de la Secretaría Xeneral pal Sínodu de los Obispos y la Congregación pa los Institutos de Vida Consagrada y les Sociedaes de Vida Apostólica.
En virtú de la so posición, foi amás miembru de la Conferencia Episcopal Arxentina -de la que foi presidente en dos ocasiones, hasta'l 2011 - y del Conseyu Episcopal Llatinoamericanu (CELAM).
Vaticanu
editarAl morrer Xuan Pablu II, yeren 117 los cardenales menores de 80 años en condiciones de votar pa elixir un papa nuevu, ente los que taba'l cardenal Bergoglio, del que se diz qu'algamara 40 votos de los 77 que yeren necesarios pa ser escoyíu.[15] Sicasí, yá qu'hai obligación de secretu absolutu pa los asistentes al cónclave (Constitución Apostólica Universi Dominici Gregis de 22 de febreru de 1996, cap. II, núm. 48) so pena d'escomunión acutada al Sumu Pontífiz (Códigu de Drechu Canónicu, canon 1399), esti datu ha de tomase como mera especulación.
Ver tamién
editarReferencies
editar- ↑ Identificador Guardian de tema: world/2013/mar/16/pope-francis-radical-reshape-catholic-church.
- ↑ Afirmao en: catálogu de la Biblioteca Nacional Checa. Identificador NKCR AUT: jx20130415003. Data de consulta: 29 xineru 2023.
- ↑ Afirmao en: Gemeinsame Normdatei. Data de consulta: 28 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.bbc.co.uk/news/world-europe-21779257.
- ↑ 5,0 5,1 5,2 Afirmao en: catálogu de la Biblioteca Nacional Checa. Identificador NKCR AUT: jx20130415003. Data de consulta: 1r marzu 2022.
- ↑ «Time.com». Consultáu'l 3 payares 2024.
- ↑ URL de la referencia: https://www.domradio.de/nachrichten/2016-11-11/papst-franziskus-mit-bambi-ausgezeichnet. Data de consulta: 11 payares 2016.
- ↑ URL de la referencia: http://www.karlspreis.de/de/aktuelles/karlspreis-2016.
- ↑ URL de la referencia: https://www.emma.de/artikel/der-emma-award-sexist-man-alive-papst-franziskus-338977. Data de consulta: 12 setiembre 2023.
- ↑ Afirmao en: Catholic-Hierarchy.org. Identificador Catholic Hierarchy de persona: bergj. Data de consulta: 23 ochobre 2020. Llingua de la obra o nome: inglés.
- ↑ Afirmao en: Catholic-Hierarchy.org. Identificador Catholic Hierarchy de persona: bergj. Data de consulta: 30 ochobre 2020. Llingua de la obra o nome: inglés.
- ↑ Jorge Mario Bergoglio, elixíu nuevu Papa de la Ilesia Católica
- ↑ El nuevu papa a los cardenales eleutores: "que Dios los perdone"
- ↑ [1]
- ↑ Error de cita: La etiqueta
<ref>nun ye válida; nun se conseñó testu pa les referencies nomaesClarin
Enllaces esternos
editarWikimedia Commons acueye conteníu multimedia sobre Franciscu.
- Vatican: the Holy See
| Predecesor: Benitu XVI |
2013 - presente |
Socesor: Nel cargu |
Datos: Q450675
Cites famoses: Francisco
Testos: Autor:Francisco