Escudu d'Angola

L'escudu d'armes d'Angola espeya'l pasáu reciente de la nueva nación. Hai un fuerte simbolismu marxista nel escudu d'armes, que va más alló de lo que s'alcuentra na bandera nacional. Nel centru del escudu ta un machete y un azadón, que representen la revolución al traviés de la cuala la nación algamó la so independencia, y la importancia de los trabayadores agrícoles. Sobro dambos emblemes hai una estrella que davezu s'alcuentra en semeyes socialistes. La estrella se diz que representa'l progresu. El sol ñaciente ye'l símbolu tradicional d'un nuevu entamu. Estos emblemes tán toos dientru d'un círculu formáu por una rueda mediu dentada que representa los trabayadores industriales, y mediu racimu de fueyes de café que simboliza la industria cafetera. Na parte inferior hai un llibru abiertu que representa la educación. Baxu ésti hai un lletreru que diz “República d'Angola”, anque ta escritu en Portugués.

Escudu d'Angola
Datos
Estáu	Angola
Propietariu	Angola
Fecha d'adopción	1992