Gran Premiu de Brasil de 2007

El Gran Premiu de Brasil de 2007 ye la 17ª, y cabera prueba de la Temporada 2007 de Fórmula 1. Celebróse ente'l 19 y el 21 d'ochobre de 2007.

Gran Premiu de Brasil de 2007
XXXVI Grande Prêmio do Brasil (pt)
Temporada 2007 de Fórmula 1
Xeneral
Deporte	automovilismu
Sede	Autódromu José Carlos Pace
Estáu	Brasil
Coordenaes	23°42′S 46°42′W / 23.7°S 46.7°O / -23.7; -46.7
Gran Premiu de Brasil de 2007 Gran Premiu de Brasil de 2007 (Brasil)
Ganador	Kimi Räikkönen
Pole position	Felipe Massa
Vuelta rápida	Kimi Räikkönen
Distancia	71 vueltes
Estadístiques

A esta carrera, aportaben 3 pilotos con posibilidaes d'algamar el títulu: Alonso, Kimi y Hamilton. Alonso, ensin sofitu nengún por parte del equipu, que se posiciona al delláu del pilotu inglés, parte con desventaya darréu que'l so motor ye'l que llevare en China, mientres que'l líder estrena nueva evolución.

Na etapa clasificatoria, tien serios problemes que lu alluguen na 4ª posición na parriella. Na carrera, Alonso xuégase'l tou pol tou na primera curva adelantando a Hamilton. Ésti intenta recuperar la plaza pero salse de la pista dañando los sos hidráulicos, fechu que lu fai perder puestos (hasta'l 18ᵘ).

Ferrari, con Massa (1ᵘ), y Raikönnen (2ᵘ), tiren y llogren descolingase del restu pilotos. Esti resultáu allugaba a Alonso como virtual campeón del mundu, pero na segunda parada en boxes de los pilotos Ferrari, Räikkönen adelanta a Massa, fechu que-y quita'l Campeonatu al asturianu, en favor del finlandés.

Alonso entra 3ᵘ, na llinia de meta per delantre del so compañeru d'equipu que foi 7ᵘ; y empata a puntos nel subcampeonatu del Mundu. La falta de sofitu del equipu McLaren respeutu a Alonso, y les males rellaciones con Ron Dennis, pasen factura al equipu que queda ensin Campeonatu de Constructores y Pilotos. Kimi gana'l Campeonatu de Pilotos con un puntu de ventaya sobro l'asturianu.