Gabarra

Una gabarra^[1] ye un barcu de suelu planu construyíu principalmente pal tresporte de bienes pesaos a lo llargo de ríos y canales. Davezu les gabarras nun son autopropulsadas y precisen ser movíes por un bote remolcador que tire d'elles o les emburrie.

Les gabarras empezaron utilizándose en canales, siendo arremolcaes por animales de tiru que diben per un camín axacente. Les canales bordiaes con una ferrovía yeren comunes a principios de la revolución industrial; situación que provocó que les gabarras fueren superaes pol ferrocarril na carga d'oxetos de valor por cuenta de la mayor velocidá, los costos decrecientes y la flexibilidá de les rutes ferroviaries.

Na actualidá, les gabarras siguen siendo utilizaes pal tresporte d'oxetos de gran tamañu o bien pesaos, una y bones el costu de llevar bienes per barcaza ye bien baxu. Una barcaza típica mide 59,4 m × 10,7 m (195x35 pies), y puede cargar hasta 1500 tonelaes.