Aeródromu de Tinéu
L'Aeródromu de Tinéu ta compuestu por unes instalaciones asitiaes nel conceyu asturianu de Tinéu.
| Aeródromu de Tinéu | |
|---|---|
| aeródromu | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Tinéu |
| Coordenaes | 43°20′03″N 6°22′42″W / 43.33411°N 6.37834°O |
  Aeródromu de Tinéu Aeródromu de Tinéu (Asturies) | |
 | |
Acueye nes sos instalaciones la base BRIF de la BRIF-i (iviernu) y BRIF/A (branu) de Tinéu, que pertenecen al dispositivu de llucha escontra'l fueu nes viesques, del Ministeriu de Mediu Ambiente, Mediu Rural y Marín del Gobiernu d'España.
Ficha
editar- Nome: Aeródromu de La Curiscada
- Tipu: públicu
- Operador: nengún
- Ciudá: Tinéu
- Llugar: El Cruceru
- Superficies:
- Asfaltu (aviones)
- Hormigón (helicópteros)
- Usuariu: Brigaes BRIF
Pista avionetes
editarDichu aeródromu dispón d'una pista principal p'avionetes, asfaltada, y una secundaria tresversal a esta primera de tierra, y con un llargor daqué inferior.
Helipista
editarLa helipista ta controlada y dirixida por un téunicu de l'alministración mientres los periodos operativos de la BRIF y fuera d'esti periodu, queda l'aeródromu ensin nengún tipu de personal en tierra.
Si tán operativos los helicópteros de diches brigaes, pue atopase en dichu aeródromu combustible JET-A1, anque nun hai distribución a medios que nun participen na llucha escontra'l fueu.
Aproximación
editarP'averase a dichu aeródromu, aconséyase ponese en contautu cola base, (banda aérea per aciu un escáner) o notificando al aeródromu de La Morgal la intención d'aterrizar en diches instalaciones, yá que los helicópteros puen salir en cualquier momentu nuna misión escontra'l fueu.
Referencies
editarEnllaces esternos
editar
Wikimedia Commons tien conteníu multimedia tocante a Aeródromu de Tinéu.
Datos: Q8191003