Codeína
compuestu químicu
La codeína (metilmorfina) ye un alcaloide que s'atopa de forma natural nel opiu. Pue presentase bien en forma de cristales incoloros y ensin golor, o bien como un polvu blanco cristalino. L'orixe del so nome ye la pallabra d'aniciu griegu que significa cabeza d'adormidera.
| Estructura | |
|---|---|
 | |
| Carauterístiques | |
| Nome | Codeína |
| Fórmula molecular | C18H21NO3 |
| Familia | Opioides, Analxésicos |
| Códigu CAS | 76-57-3 |
La codeína ye un calmante asemeyáu a la morfina pero muncho menos potente y con pocos efeutos sedantes. Pue tomase en forma de comprimíos, en forma de xarabe o por vía inyeutada. Ye útil p'aliviar dolores moderaos y tien munchos menos riesgos que la morfina de provocar dependencia o efeutos tósicos. Si s'instaura l'adicción, per aciu de la toma prollongada de dosis altes, el síndrome d'abstinencia resultante ye menos severu.