Bawobap (òrere Adansonia digitata me erieen̄ ifuk-ibot nrom, mè ire African baobab me Ebeke) ìre uti ge òkitibi me lek ijọn̄ Afirika mè <Peninsula> Arebia (me Yemen mè Omaan). Uti yi îkiluk ugwem ifiin̄ enenen. Ndọmọ ifuk-acha eyi rediokabọn [radiocarbon dating] ìkijeen̄ ibe ke usini kiban̄ mîkiluk ugwem iraka obop acha iba (2000). Ema ekimalek itibi iwa me agan̄ cha òkichachat mè iyok me Afrika agan̄ Osiki Sayara. Me ere geelek ema ekitibi, ema ekijeen̄ isibi ibe ke mun̄ òwa okilibi inan̄a me ujọn̄ọ ere iniraka me irak irak ijọn̄ ere ya ema ekekebe. Uti yi ìkinyi ebilene inorie, mun̄ inwọnwọ, ugwun̄ isasa ikput orukan̄ mè ere okwukwek. Ebi kè anam si mîkikaan̄ inorie inan̄a me lek uti yi.

Owuwa nchieek [legend & superstition] òwa ofolek uti chi. Me acha inen òraraka, usini me lek echi òmimiin̄ mè kan ichit mîkwaan̄ me ekariọọn̄ge inu òrọrọ. Usini ufi erieen̄ ekigwen uti yi ìre uti fituru mkpinyọn̄ mè uti òkakana ibot ifo ijọn̄ [upside down] mè uti eyi ugwem.

Ike mgbọ okije, uti yi î<adapt> igọọk ere îkupbe. Mije akparalek uti yi okupbe ufuk ufuk [succulent], me emen mgbọ ìbot îra ikibọkọ mun̄ isun̄ me emen ikpele akparalek kan̄ ya; eya okekitap ubọk inyi ọmọ ikọt ikito mfut nririeen̄ ojotbe emen me emen mgbọ ura, mgbọ otutuuk ere ochiaakbe mè ikup kire èwê [arid]. Eya orọ ekigwen uti yi uti eyi ugwem.^[1]