Santo patrón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En cualques confesions d'o cristianismo, en especial a Ilesia Catolica y en as Ortodoxas, en las cuals se creye en a intercesión d'os santos, o santo patrón ye un santo que tien una afinidat especial con un grupo de personas concretas sobre as que exerce un patronache, y os miembros d'ixe grupo s'acullen a la suya intercesión. Por eixemplo, Cristóbal de Licia ye cheneralment reconoixito como o santo patrón d'os viachers, pus seguntes a leyenda levó a Cristo a escarramanchons; Sant Patricio ye o santo patrón d'Irlanda y d'os irlandeses; y Sant Chaime o Mayor ye o patrón d'o reumatismo y d'Espanya. A Ilesia Ortodoxa cheneralment asocia d'una forma parellana a santos con puestos, pasatiempos y actividaz, y por un regular ixa asociación se converte en bella cosa local. En Espanya a mayor part d'as localidaz tienen patrón y patrona y se celebran as fiestas mayors en a suya honor. Os patrons son santos u advocacions de Cristo y as santas u advocacions d'a Virchen. Atro tipo de patrons son o Corpus Christi u a Santa Cruz.