Howard Hughes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Howard Hughes
Howard Hughes en una imachen de 1938.
Información personal
Nombre real	Howard Robard Hughes Jr.
Calendata naiximiento:	24 d'aviento de 1905
Puesto naiximiento:	Houston (Texas, Estaus Unius)
Calendata muerte:	5 d'abril de 1976
Puesto muerte:	En un avión en rota enta Houston (Texas, Estaus Unius)
Enterreco	Cementerio Glenwood de Houston (Houston)
Ocupación:	Empresario, director cinematografico, productor cinematografico, guionista
Alma Máter	California Institute of Technology Universidat Rice
Conchuche:	Ella Botts Rice ​(1925-1929, esvurcio)​ Jean Peters ​(1957-1971, esvurcio)

Howard Robard Hughes Jr., naixiu de Houston (Texas, Estaus Unius) o 24 d'aviento de 1905 y muerto en un avión en rota enta Houston (Texas, Estaus Unius) 5 d'abril de 1976, estió un controvertiu empresario, director cinematografico, productor cinematografico, guionista, piloto, y filantropo estausunidense, muit vinclato con o cine estausunidense y con o mundo de l'aviación, arias de l'actividat humana a on i destacó especialment. Considerau como una persona d'alta excentricidat y partidario d'un estilo de vida muit retirau, se creye que padeixeba un trestuque obsesivo-compulsivo, dolors cronicos y xordera.

En o mundo d'o cine estausunidense lo suyo nombre prencipio a tener prestichio dende finals d'os anyos 1920, con as cintas The Racket (1928, Lewis Milestone), Hell's Angels (1930, dirichida por ell) y Scarface (1932, tamién dirichida por ell). En 1948 mercó la productora RKO Pictures, una d'as cinco productoras d'a Edat d'oro de Hollywood, encara que la companyía dixó d'existir en 1957.

En o mundo de l'aviación, Howard Hugues fundó en 1932 Hughes Aircraft Company, adedicada a la producción de material ta la defensa y con bellos contractos con o Gubierno estausunidense. Batió bellas vegadas lo Récord de Velocidat Aeria con avions experimentals d'a suya companía, cxomo lo Hughes H-1 Racer u Hughes H-4 Hercules, en recibindo amás bellos reconoiximientos y distincions por a suya labor en iste campo.