Fuerza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En fisica, una fuerza (d'o latín < FORTIA)^[1] (a sobén simbolizata como F) ye una acción que prevoca una perturbación en a cantidat de movimiento d'un cuerpo. O vector suma de totas as fuerzas que actúan sobre un cuerpo, a fuerza neta u fuerza resultant, ye proporcional a l'acceleración y a la masa d'o cuerpo. En un cuerpo amplo una fuerza tamién puet causar rotación, deformación u cambios de presión. Os efectos rotacionals son determinatos por o momento, mientres que a deformación u o cambio de presión son determinatos por a tensión mecanica que creyan as fuerzas. Matematicament, a fuerza neta ye identica a lo ritmo de cambio en o tiempo d'a cantidat de movimiento d'o cuerpo sobre o que actúa. En tanto que a cantidat de movimiento ye un vector (tien una magnitut y una dirección), a fuerza tamién será un vector.