Deyerri

Lo municipio de Deyerri, situato a 1.233 metros d'altaria dencima de lo ran de la mar, fa parte de la comarca de Tierra Estella y ye formato por los concellos d'Alloz, Arandigoyen, Arizala, Arizaleta, Azcona, Bearin, Eraul, Grocin, Ibiricu de Yerri, Iruñela, Lácar, Lorca, Moriello Deyerri, Murugarren, Riezu, Úgar, Villanueva de Yerri, Zábal y Zurucuáin. Toz estos lugars se diseminan por una gran val que bi ha de norte a sud dende las estribacions montanyosas de la sierra d'Andía, dica lo río Ega.

En 1291 lo rechistro de Comptos incluiba los lugars de Guesálaz drentro de Deyerri, y en 1350 incluiba tamién a las Cinco Villas (Val de Goñi). En lo sieglo XVIII la Val de Deyerri s'organizaba en cinco zendeas: Azcona, Abárzuza, Murugarren, Arizaleta y Erbarrena. En 1851 Abárzuza se deseparó de la val. En 1951 Lezáun formó ayuntamiento propio y se deseparó.

En lo fuero cheneral de Navarra cuan se refieren a la imbasión islamica s'escribe Deyerri:

Deyerri significa en basco Tierra de Deyo. En la Edat Meya y enantes que se fundase la villa d'Estella en lo sieglo XI, este yera lo nombre común de l'actual comarca de Tierra Estella, ya que lo centro neuralchico de la mesma no se trobaba encara en la suya actual capital, se trobaba en la fortaleza de Monchardín (que se clamaba allora Deyo). Con lo paso de lo tiempo lo nombre Deyerri dixó d'aplicar-se a tota la comarca y se limitó a la parte nororiental de la mesma (vals de Guesálaz y Deyerri), dica que finalment se refirió nomás que a la val que ha conservado lo nombre dica l'actualidat.

Se crei que lo nombre Yerri s'orichinó en una error de traducción de lo toponimo orichinario a lo castellano. Un anonimo escribano partió la palabra en dos (de Yerri), pensando que la primera parte de lo nombre yera una prepocición (falsa segmentación), clamando-lo valle de Yerri.

• Lista de municipios de Navarra.