Candanchú

O toponimo Candanchú significa literalmente "Campo d'Anchú", ya que aquí se trobaba orichinalment un campo militar d'a dinastía francesa d'Anchú.

 

 

Con un total de 59 km de pistas, ye a estación d'esquí mas antiga d'a cordelera y d'Espanya, habendo estato inaugurata en 1928. Ye prou conoixita por a dificultat de belunas d'as suyas pistas, como o Tubo d'a Zapatilla. A cota mas alta d'a estación ye a La Tuca, con 2400 m d'altaria y una cayita vertical de 900 m.

En a base d'a estación se troba a una altaria de 1500 m. una urbanización con cuantos hotels y apartamentos. Dende astí se puet puyar dreitament ta a estación a travíes d'a telecadiera prencipal. A estación ocupa dos vals diferents, dividindo-se asinas en dos sectors: Pista Gran - O Tobazo, y La Tuca. O primero d'éls ye situato en a parti mas baixa, chunto a la urbanización y o parking, y o segundo, La Tuca se troba en a parti mas alta, dica a on nomás se puet plegar con as telecadieras.

Candanchú ofreixe un forfait conchunto con a vecina estación d'Astún.

A mayoría d'as remontaderas d'a estacion son modernas y de gran capacidat:

• 6 telecadieras.
• 18 telesquís.

A estación ofreixe dica 51 pistas con diferents graus de dificultat:

•   10 pistas verdas ta prencipiants.
•   11 pistas azuls fácils.
•   18 pistas royas dificils.
•   12 pistas negras ta expertos.

Amás bi ha un circuito internacional de 35 km d'esquí nordico chunto con a vecina estación de Le Somport, en Francia.

• 6 restaurants.
• 1 escuela d'esquí, a mas antiga d'Espanya.
• 1 chardín de nieu ta os ninos.
• 1 guardería
• 5 botigas de loga d'esquís.

• Ilesia de Nuestra Sinyora d'o Pilar de Candanchú, una ilesia adedicada a Nuestra Sinyora d'o Pilar que fa las funcions d'ilesia parroquial.

• Candanchú (localidat).

• (es) Pachina d'a estación d'esquí
• (es) Listau d'estacions de Infoaventura
• (es) Listau d'estacions de Todonieve

Nieu en Aragón
Esquí alpín: Astún | Candanchú | Chabalambre | Fornigal | Pandicosa | Sarllé | Valdelinars Esquí nordico: A Partaqua | Balneario de Pandicosa | Candanchú-Le Somport | Fanlo | Gabardito | Griegos | Linza | Lizara | Pineta | Plans de l'Hospital