Alcanyiz

La parte viella ye en unas faixas fluvials pendidas d'o río Guadalop y la parte mas nueva s'escampa por la ribera de lo Guadalop radendo la huerta.

Lo termin d'Alcanyiz ye muit gran y incluye zonas luent d'a ribera debant dita que no desauguan en lo Guadalop, lo fan en o Regallo u son endorreicas (saladas d'Alcanyiz). La estanca d'Alcanyiz ye una antiga salada que s'aproveitó como entibo con augua de zaica, y sirve pa regar la cuenca de lo río Regallo (reganos de Pui Moreno y Val Muel).

	Casp
Íxar, Andorra		Maella, Mazalión, Val d'Algorfa
Alcorisa	Torrociella d'Alcanyiz, Castelserás, Calanda

A suya temperatura anyal ye 14.6 °C, con una temperatura meya en chinero de 5.91 °C y en chulio de 24.57 °C.^[1]

La mención mes antiga d'Alcanyiz ye la cita d'Al Udrí que diz que en Al-Kanisa acampó una expedición andalusí contra Isma-il Ibn Muza, que se trobaba en Zaragoza, y a on i habió una batalla en 878-879. Ibn Hayyan diz que en una campanya d'Abderramán III contra Pamplona en 924 pasó por as coras de Tudmir y Tortosa y abanzó ta la Marca Superior aturando-se en Alcanyiz, en los alfoces de Zaragoza, cuan s'enfilaba ta Tudela. L'escritor musulmán Yaqut da noticia d'Alcanyiz, Qānnīš en arabe, en los sieglos XII-XIII: un castiello (hisn) de l'Al-Andalus dependient de Zaragoza.

Alifonso I lo Batallero abanzó ta l'este ocupando Alcanyiz y plegando ta Horta de Sant Joan. Cuan morió Alifonso I los cristianos rebloron y perdioron Alcanyiz. La conquista finitiva se produció en 1157 cuan Remón Berenguer IV crebó una tregua con lo Rei Lop. N'ixe mesmo anyo Remón Berenguer tamién atorgó Carta de población a Alcanyiz. En lo Baixo Aragón s'establió l'Orden de Calatrava, y teneban lo castiello d'Alcanyiz como centro d'a auya comanda.

A primers de lo sieglo XIX Alcanyiz estió escenario de la batalla d'Alcanyiz cuan la Guerra de lo Francés.

Mientres que la Guerra Civil Espanyola, lo 3 de marzo de 1938, i habió un bombardeyo aerio efectuau per l'aviación italiana a las órdens de l'exercito nacional.

Lo toponimo Alcanyiz ye interpretau por bel autor como a partir de l'arabe al-kanai's ("las ilesias"), plural de al-kanisa. Belatros lo interpretan como d'orichen mozarabe a partir de lo latín CANNETUM ("puesto con muitas canyas"), arabizau en *Alcannit, y sutitución de la consonant en la terminación -it comparable a El Coronil u El Manzanil.^[2]

En lo suyo termin bi ha toponimos en aragonés como río Regallo, Virgen de los Pueyos, Pui Moreno, Pui Pinos, Las Torrazas (que da nombre a un chacimiento arqueolochico), y mesmo una de las suyas carreras principals tiene nombre en parte aragonés Calle Alejandre.

• Castiello d'Alcanyiz, a on que estioron los calatravos (hue ye lo parador nacional).
• Loncha.
• Casa de la villa.
• Ilesia de Santa María la Mayor, una ilesia en estilo gotico, de lo sieglo XIV, restaurada dimpués en estilo barroco, encara que conserva la suya torre gotica.

• La ciudat ye famosa por las cursas d'autos que se celebran en las suyas carreras. Antis se feban en lo circuito Guadalope pero agora en las planas, cerca de la estanca d'Alcanyiz, s'ha feito la ciudat d'el motor con un circuito a on entrenarán los equipes de Formula 1.
• Lo fútbol ye representau por l'Alcañiz Club de Fútbol y lo fútbol sala por l'Alcañiz Fútbol Sala.

• Categoría principal: Naixius d'Alcanyiz.

•   Se veigan as imáchens de Commons sobre Alcanyiz.
• Pachina web oficial municipal d'Alcanyiz.
• Circuito Guadalope.