Río Eglinton
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Eglinton | |
|---|---|
 Río Eglinton | |
Administración
| |
| Estaus |  Nueva Zelanda
|
| Territorios | Southland |
Cheografía
| |
| Longaria | 50 km |
| Altaria d'o naixedero | m |
| Naixedero | Laco Gunn |
| Desembocadura | Laco Te Anau |
| Superficie d'a cuenca | km² |
| Cabal meyano | m³/s |
Mapa
| |
  | |
L'Eglinton (en anglés Eglinton) ye un río d'a rechión de Southland, en o sudueste de Nueva Zelanda. Fluye a traviés d'o Parque Nacional de Fiordland mientres 50 km. A suya fuent se troba en o laco Gunn, a 25 km a l'este de Milford Sound, y fluye prencipalment enta o sud antis de desembocar en o laco Te Anau, en o canto oriental d'o laco debant d'a dentrada a North Fiord.
Mientres gran parti d'o suyo curso, l'Eglinton ye acompanyau por a unica carretera d'a rechión, a Estatal 94 que va dende Te Anau dica Milford Sound.[1] O cabo sud d'o sendero de gran recorriu de Milford Track ye localizau chunto a o río Eglinton.
Os primers europeus en explorar o río estioron David McKellar y George Gunn, en 1861.[2] O río fue nombrau en honor d'Archibald Montgomerie, conte d'Eglinton, por James McKerrow, un topografo d'Otago.[3] A carretera que ye actualment a Estatal 94 fue construyida en 1935, ubrindo a val a o turismo.[2]
O cabal d'o río ye chicot cuan deixa o laco Gunn, encara que creixe prou en Cascade Creek, que s'une a o río chusto a o sud d'o laco. Bi ha unas chicotas gorgas entre o laco Gunn y Cascade Creek, y baixo a unión con Walker Creek. Encara que o río ye navatiable en kayak dende Cascade Creek, no gosa haber-ie prou augua y o kayak ye mas común a partir d'a desembocadura de l'East Branch.[4] Se pueden trobar truitas auguas entalto de Cascade Creek.[5] Se cazan ciervos en ista zona, mientres que os chabalíns se troban en l'aria d'a suya desembocadura.[6]
Referencias
[editar | modificar o codigo]- ↑ (en) Peter Dowling (editor) (2004), Reed New Zealand Atlas, maps 89, 97, Reed Books. ISBN 0-7900-0952-8.
- ↑ 2,0 2,1 (en) Eglinton River. An Encyclopaedia of New Zealand, 1966
- ↑ (en) (1994), Discover New Zealand:A Wises Guide.
- ↑ (en) , Graham (1995), New Zealand's South Island Rivers. ISBN 0-473-02959-6.
- ↑ (en) "Eglinton River Fishing". nzfishing.com. http://www.nzfishing.com/FishingWaters/Southland/STHFishingWaters/STHEglinton.htm. Retrieved 29 de chulio de 2009.
- ↑ (en) "Hunting in Fiordland". Archived from the original on 13 de febrero de 2009. https://web.archive.org/web/20090213164730/http://www.fiordland.org.nz/Explore-Fiordland/Things-to-do/Hunting.asp. Retrieved 29 de chulio de 2009.
Datos: Q1298136
Multimedia: Eglinton River / Q1298136