Sant Dominguito de Val

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sant Dominguito de Val
Sant Dominguito de Val por Francisco de Goya y Lucientes
Información personal
Nombre	Sant Dominguito de Val
Apodo:	{{{apodo}}}
Naiximiento	1243 Zaragoza
Muerte	1250 Zaragoza
Información relichiosa
Festividat
Venerau en	Ilesia catolica
Simbolochía	{{{simbolochía}}}
Patronache	Patrón d'os escolanos de Zaragoza
Centro de pelegrinache	{{{puesto pelegrinache}}}
Ordens	{{{orden}}}
Beatificación	{{{beatificación}}}
Canonización
Qüestions	{{{qüestions}}}

Dominguito del Val (Zaragoza, ca. 1243 - Zaragoza, ca. 1250) estió, seguntes una leyenda, un nino muerto a mans de chodigos, y venerau como santo por a ilesia catolica dica 1965, cuan se reconoixió a falsedat d'a leyenda. Ye un caso de falso libelo de sangre creyato ta fomentar l'antisemitismo y a persecución d'os chodigos, habituals mientres a Edat Meya.^[1]

Nian bi ha garra preba de que o nino existise realment. No bi ha referencias a o feito dica o sieglo XVI, sieglos dimpués de que hese pasato, supuestament. A mesma leyenda, ta remontar-se en o tiempo, diz que o rei Alifonso X de Castiella heba narrato os feitos, en una obra perdita:

Seguntes a tradición, Dominguito yera fillo d'o notario Sancho de Val y yera un escolano d'o coro d'a Seu de Zaragoza. A os siet anyos, fue embelecato por o chodigo Albayuceto, que con atros chodigos, lo facioron victima d'un asasinato ritual. Os chodigos quereban matar a toz os cristianos de Zaragoza, por lo que facioron un conchuro y amenistaban o corazón d'un cristiano puro. Prenioron a Dominguito y reproducioron en o nino os martirios de Cristo en a suya Pasión. Dimpués de crucificar-lo, lo escabezoron y le talloron os piez, apedecando-ne o cuerpo chunto a o río Ebro. Astí fue trobato por uns barquers. O chodigo que heba de rematar o ritual, portiando o corazón d'o nino y una hostia a o río (lo que fería que cualsiquier cristiano que en bebese l'augua morise) fue preso casualment y, en trobar-se-le o corazón, fue torturato dica que confesó o feito. Os chodigos fuoron executatos.

As restas d'o nino se levoron ta a ilesia de San Chil y dimpués a la Seu, a on bi ha una capiella de Sant Dominguito de Val. Dominguito fue canonizato y considerato patrón d'os escolans d'a ciudat.

O suyo culto, como o d'atros ninos ficticios parellans, fue suprimito por a ilesia en 1965, en reconoixer-lo como lechendario y basato en una falsedat, amás de tener caracter clarament antisemita.