María Chivite Navascués

María Victoria Chivite Navascués
María Chivite Navascués, en una imachen de 2023.
Presidenta d'o Gubierno d'a Comunidat Foral de Navarra
6 d'agosto de 2019 – En o cargo
Monarca	Felipe VI
Gubierno	Chivite I Chivite II
Viceprimer ministro	Vicepresident primero: -Javier Remírez Apesteguía (2019-2023) -Félix Taberna Monzón (2023- ) Vicepresident segundo: -José María Aierdi Fernández de Barrena (2019-2023) -Ana Ollo Hualde (2023- ) Vicepresident tercero: -Begoña Alfaro García (2019- )
Precediu por	Miren Uxue Barcos Berruezo
Succediu por	En o cargo
Deputada d'a VII Lechislatura d'o Parlamento de Navarra Deputada d'a VIII Lechislatura d'o Parlamento de Navarra Deputada d'a IX Lechislatura d'o Parlamento de Navarra Deputada d'a X Lechislatura d'o Parlamento de Navarra Deputada d'a XI Lechislatura d'o Parlamento de Navarra por Navarra
20 de chunio de 2007 – En o cargo
President	Miguel Sanz Sesma (2007-2011) Yolanda Barcina Angulo (2011-2015) Miren Uxue Barkos Berruezo (2011-2015) María Chivite Navascués (2019- )
Monarca	Chuan-Carlos I (2007-2014) Felipe VI (2014- )
Portavoz d'o Grupo Parlamentario Socialista en o Parlamento de Navarra
17 de chunio de 2015 – 6 d'agosto de 2019
Precediu por	Santos Cerdán León
Succediu por	Miquel Estapé Valls
Secretaria cheneral d'o Partido Socialista de Navarra
13 d'aviento de 2014 – En o cargo
Precediu por	Ramón Alzórriz Goñi
Senadora d'a X Lechislatura d'o Senau d'Espanya por Navarra
13 d'aviento de 2011 – 16 de chunio de 2015
Portavoz d'o Grupo Parlamentario Socialista en o Senau d'Espanya
9 de setiembre de 2014 – 16 de chunio de 2015
Precediu por	Marcelino Iglesias Ricou
Succediu por	Óscar López Águeda
Concellera d'o concello de Cintruénigo
14 de chunio de 2003 – 11 de chunio de 2007
Concellera d'o concello d'Egüés
16 de chunio de 2011 – 7 de febrero de 2013
Naiximiento	5 de chunio de 1978 Cintruénigo (Navarra, Espanya)
Partiu	Partido Socialista de Navarra
Profesión	Politica Sociologa
Alma Máter	Universidat Publica de Navarra

María Victoria Chivite Navascués, naixida de Cintruénigo (Merindat de Tudela, Navarra, Espanya) lo 5 de chunio de 1978,^[1] ye una politica y sociologa navarra, militant d'o Partido Socialista de Navarra, que ha ocupau cuantos cargos politicos dende l'anyo 2003 en concellos d'a Comunidat Foral de Navarra, en o Parlamento de Navarra y en o Senau d'Espanya, amás d'en o suyo partiu politico, y que dende l'anyo 2019 ye la presidenta d'o Gubierno d'a Comunidat Foral de Navarra. Ye sobrina segunda de Carlos Chivite Cornago, tamién naixiu de Cintruénigo y que estió secretario cheneral d'o Partido Socialista de Navarra dende 2004 dica 2008.

María Chivite se formó en a Universidat Publica de Navarra, a on se licenció en Sociolochía. Completó la suya formación con un máster en Organización y Recursos Humans en a escuela de negocios Foro Europeo, un curso de Tecnico Superior en Prevención de Risques Laborals y un posgrau en Campanyas electorals en ICADE.

Activa dende bien choven en a vida politica, con 20 anyadas ya militaba en as Juventudes Socialistas, estando-ne miembro d'a suya executiva entre 2001 y 2005, colaborando tamién en actividaz de formación en o sindicato d'a Unión General de trabajadores.

Dentró en a vida politica activa como concellera d'o Concello de Cintruénigo, la suya localidat natal, en as eleccions municipals de 2003, continando con as eleccions municipals de 2011, ista vegada como concellera d'o Concello d'Egüés.

Con as eleccions a lo Parlamento de Navarra de 2007 dentró en a politica a livel autonomico, estando esleyida deputada en a VII Lechislatura d'o Parlamento de Navarra, repetindo como deputada en as VIII, IX, X y XI Lechislaturas. En a suya primera lechislatura, la VII, ya estió portavoz d'o Grupo Parlamentario Socialista en temas de Salut.

Con as eleccions chenerals de 2011, estió candidata por o suyo partiu en as listas ta lo Senau d'Espanya, estando electa senadora y fendo asinas parte d'o Senau en a suya X Lechislatura, a on n'estió la portavoz d'o Grupo Parlamentario Socialista en a Comisión de Sanidat y Servicios Socials, estando nombrada por Pedro Sánchez portavoz d'o Grupo Parlamentario Socialista en o Senau en setiembre de 2015, remanindo en o cargo dica chunio de 2015.

Encara que participant activa en a politica a livel nacional, María Chivite continó participando tamién en a vida politica autonomica, dentrando a fer parte d'a executiva d'o Partido Socialista de Navarra en 2012 y estando esleyida secretaria cheneral d'o partiu en aviento de 2014 en un Congreso extraordinario, dimpués de ganar un proceso de primarias celebrau entre la militancia. En consecuencia, ta las eleccions autonomicas de 2015 yera la candidata socialista a la Presidencia, encara que lo suyo partiu no ganó las eleccions.

En mayo de 2018 tornó a estar proclamada por o suyo partiu candidata a la Presidencia de Navarra ta las eleccions autonomicas de 2019 en tornar a ganar un proceso de primarias socialistas a on yera la unica candidata presentada. Dimpués d'as eleccions, fue proclamada presidenta de Navarra por mayoría simpla, con os votos favorables d'o Partido Socialista de Navarra (11 deputaus), Geroa Bai (9), Podemos (2) y Izquierda-Ezkerra (1) y l'abstención de 5 d'os 7 deputaus d'Euskal Herria Bildu, encara que qui heba ganau as eleccions en Navarra yera Navarra Suma (20 deputaus).

En as eleccions a lo Parlamento de Navarra de 2023, s'escaició una situación similar, en haber ganau as eleccions Unión del Pueblo Navarro (15 deputaus) pero recibindo lo refirme d'o Partido Socialista de Navarra (11), Geroa Bai (7) y Contigo Navarra-Zurekin Nafarroa (3) y l'abstención d'Euskal Herria Bildu (9), recebindo lo voto en contra d'Unión del Pueblo Navarro (15), Partido Popular de Navarra (3) y Vox (2).^[2]

• Se veigan as imáchens de Commons sobre María Chivite Navascués.