Bramido

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bramido u gramido (d'o latín <BRAMARE^[1], bramar) ye o nombre que reciben en aragonés diferents tipos de vocalizacions graus, profundas, emitidas por animals.

O bramido ye o soniu caracteristico d'animals como a vaca u o ciervo, que o fan d'una forma dilatada, sostenida, pero tamién ye como se dicen as vocalizacions mas explosivas que fan bels carnivoros, como l'onso u os grans felidos.

L'acción d'emitir un bramido ye bramar, y por coherencia a on se diz gramido, l'acción ye gramar. Formas como bramuqueyar ("bramuquiar") u gramuqueyar ("gramuquiar") expresan insistencia (son verbos iterativos) u debilidat en os bramidos que fa un animal u un rabanyo.