Chuegos Olimpicos

Os Chuegos Olimpicos (en griego Ολυμπιακοί Αγώνες, en francés Jeux Olympiques y en anglés Olympic Games) son un escaicimiento esportivo internacional celebrato mientres os zaguers quince días d'un periodo de cuatre anyos dito Olimpiada. Se tracta d'un important escaicimiento que requiere preparativos previos por part d'o país organizador con un important esforzada economica, en o que participan mils de personas entre esportistas y lo suyo personal auxiliar y que ye retransmitiu por a mayor parte d'os medios de comunicación de toz os países, amenistando-se tamién acullir a los periodistas que los representan.

Encetatos orichinalment en l'antiga Grecia, fuoron recuperatos por o barón de Coubertin en zaguerías d'o sieglo XIX, inspirando-se en l'esprito d'os antigos chuegos. Os primers chuegos d'a era moderna s'organizoron en Atenas en 1896. Actualment se celebran os Chuegos Olimpicos de verano cada cuatre anyos en os anyos multiplos de cuatre, y os Chuegos Olimpicos d'hibierno tamién cada cuatre anyos, en os atros anyos parelos no multiplos de cuatre. Os primers Chuegos Olimpicos d'hibierno se facioron en Chamonix (Francia) en 1924.

Como consecuencia d'o transcorrer d'o tiempo, en os mas de cient anyos d'historia d'os Chuegos y d'o movimiento olimpico s'han produciu cambios constants en a suya estructura y organización, con una constant expansión d'o numero d'esportes olimpicos y de prebas d'istos esportes (complementaus mientres muitos anyos con esportes de demostración), amás de fixar unos requisitos minimos en cuasi todas as prebas ta limitar o numero creixent d'esportistas participants. Tamién ha desapareixiu la ideya de Coubertin de que toz os esportistas participants en os Chuegos estasen "amateurs", ye decir, que no recibisen garra sueldo, recompensa u cualsiquier tipo de remuneración por a suya actividat esportiva, ideya que sí se trobaba present en as primeras edicions d'os Chuegos.^[1]

Nomás bi habió interrupcions en a organización d'os Chuegos cuan istos coincidioron con grans guerras, por a I Guerra Mundial no se podioron organizar os Chuegos de Berlín 1916, os de Tokio 1940, por a guerra chino-chaponesa, y se substituyoron Helsinki 1940 que tampoco podioron fer-se por a II Guerra Mundial; istas mesmas guerras tamién impidioron fer os Chuegos Olimpicos d'hibierno de 1940. D'atra man, en a historia d'os Chuegos tamién ha habiu boicots, dopache, terrorismo y subornos.

Dende l'anyo 1960 tamién bi ha uns Chuegos Paralimpicos, ta os atletas con bella disminución fisica u psiquica, y dende 1976 uns Chuegos Paraolimpicos d'Hibierno ta que istos mismos atletas participen en esportes d'hibierno.

O creiximiento de l'olimpismo ha feiro creixer una estructura organizativa d'o movimiento olimpico que actualment se concreta en federacions esportivas internacionals, comités olimpicos naionals y comités especificos ta cada edición d'os Chuegos. O Comité Olimpico Internacional (COI) ye l'organismo que prene las decisions, por eixemplo la ciudat a qui s'adchudica una edición d'os Chuegos y que estará qui habrá d'organizar y financiar ixa edición, amás de decidir qué esporte tiendrá la condición d'esporte olimpico en ixa edición. Asinas, actualment participan en una edición d'os Chuegos, entre los de verano y los d'hibierno, aproximadament 13.000 esportistas que compiten en 33 esportes diferents con un total de cuasi 400 prebas concretas.

Finalment, s'ha desenrollau toda una serie de simolochía y rituals asociaus a los Chuegos, como por eixemplo los asociaus a la entorcha olimpica, la bandera olimpica u la ceremonia d'os Chuegos con actos d'ubertura y clausura y con a forma d'entregar a los esportistas as medallas d'oro (ta lo ganador d'a preba), archent (ta lo segundo clasificau) y bronce (ta lo tercer clasificau).

Chuegos Olimpicos de l'antigüidat

Ta más detalles, veyer l'articlo Chuegos Olimpicos de l'Antigüidatveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os Chuegos Olimpicos de l'Antigüidat (en griego antigo: Ὀλυμπιακοὶ Ἀγώνες), ditos d'ista forma por fer-se amán d'o santuario de Zeus en l'antiga ciudat d'Olimpia, estioron una serie de competicions atleticas en as que participaban ciudadans d'as ciudaz-estau griegas.

En Olimpia se i celebroron 293 edicions d'os Chuegos Olimpicos de l'Antigüidat, dica que l'emperador romano Teodosio los abolió en l'anyo 393 dC por considerar-los un acto relichioso pagano (ye dicir, no cristiano).

Chuegos Olimpicos d'a Era Moderna

Ta más detalles, veyer l'articlo Chuegos Olimpicos de Veranoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Ta más detalles, veyer l'articlo Chuegos Olimpicos d'hibiernoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Anyo	Evento	Seu
Chuegos Olimpicos de Verano
1896	I edición	Atenas	Grecia
1900	II edición	París	Francia
1904	III edición	Saint Louis	Estaus Unius
1906	Chuegos Entreficatos	Atenas	Grecia
1908	IV edición	Londres	Reino Uniu
1912	V edición	Estocolmo	Suecia
1916	VI edición	Berlín	Alemanya
Suspenditos por a Primera Guerra Mundial				Anyo	Evento	Seu
1920	VII edición	Anvers	Belchica	Chuegos Olimpicos d'hibierno
1924	VIII edición	París	Francia	1924	I edición	Chamonix	Francia
1928	IX edición	Amsterdam	Países Baixos	1928	II edición	Sankt Moritz	Suiza
1932	X edición	Los Angeles	Estaus Unius	1932	III edición	Lake Placid	Estaus Unius
1936	XI edición	Berlín	Alemanya	1936	IV edición	Garmisch-Partenkirchen	Alemanya
1940	XII edición	Helsinki	Finlandia	1940	V edición	Garmisch-Partenkirchen	Alemanya
Suspenditos por a Segunda Guerra Mundial
1944	XIII edición	Londres	Reino Uniu	1944	VI edición	Cortina d'Ampezzo	Italia
1948	XIV edición	Londres	Reino Uniu	1948	V edición	Sankt Moritz	Suiza
1952	XV edición	Helsinki	Finlandia	1952	VI edición	Oslo	Noruega
1956	XVI edición	Melbourne	Australia	1956	VII edición	Cortina d'Ampezzo	Italia
1960	XVII edición	Roma	Italia	1960	VIII edición	Squaw Valley	Estaus Unius
1964	XVIII edición	Tokio	Chapón	1964	IX edición	Innsbruck	Austria
1968	XIX edición	Ciudat de Mexico	Mexico	1968	X edición	Grenoble	Francia
1972	XX edición	Múnich	R.F. Alemana	1972	XI edición	Sapporo	Chapón
1976	XXI edición	Mont-reyal	Canadá	1976	XII edición	Innsbruck	Austria
1980	XXII edición	Moscú	Unión Sovietica	1980	XIII edición	Lake Placid	Estaus Unius
1984	XXIII edición	Los Angeles	Estaus Unius	1984	XIV edición	Sarajevo	Yugoslavia
1988	XXIV edición	Seúl	Corea d'o Sud	1988	XV edición	Calgary	Canadá
1992	XXV edición	Barcelona	Espanya	1992	XVI edición	Albertville	Francia
1996	XXVI edición	Atlanta	Estaus Unius	1994	XVII edición	Lillehammer	Noruega
2000	XXVII edición	Sydney	Australia	1998	XVIII edición	Nagano	Chapón
2004	XXVIII edición	Atenas	Grecia	2002	XIX edición	Salt Lake City	Estaus Unius
2008	XXIX edición	Pekín	China	2006	XX edición	Torino	Italia
2012	XXX edición	Londres	Reino Uniu	2010	XXI edición	Vancouver	Canadá
2016	XXXI edición	Río de Janeiro	Brasil	2014	XXII edición	Sochi	Rusia
2020	XXXII edición	Tokio	Chapón	2018	XXIII edición	Pyeongchang	Corea d'o Sud
2024	XXXIII edición	París	Francia	2022	XXIII edición	Pequín	China