Nueva York
- Iste articlo tracta sobre a ciudat de Nueva York. Sobre l'estato d'o mesmo nombre, se veiga Nueva York (estato).
| Nueva York New York | |||
| Localidat d'os Estaus Unius | |||
| |||
 Midtown Manhattan, a seu d'as Nacions Unitas, a Estatua d'a libertad, Puent de Brooklyn, Central Park, Times Square, y l'Unisphere en Queens. | |||
| País • Estato |
 Estaus UniusNueva York | ||
| Superficie | 1.214,4 km² | ||
| Población • Total • Densidat |
8405837 hab. (2013) 6,915.96 hab/km² | ||
| Altaria • Meyana |
10 m. | ||
| Coordenadas | |||
| Web oficial | |||
Nueva York (clamada oficialment City of New York y mas a ormino clamada New York City ta distinguir-la de l'estato de Nueva York) ye a ciudat más poblada d'os Estaus Unius, y a segunda más poblada de Nordamerica dimpués de Mexico DF. Tien una población de 8.336.817 habitants (2019), una superficie de 1.214,4 km² y una densidat de población de 6.764,18 hab./km².
Ye clamada carinyosament a «Gran Manzana» y reconoixida como una d'as mayors metropolis d'o planeta. A suya fama li da o títol de «capital d'o mundo» y, corroborando ixa credencial, as Nacions Unitas i tienen a suya seu.
Nueva York se troba entre os puestos con mayor densidat d'habitants en os Estaus Unius. A población d'a suya aria metropolitana tien arredol de 21 millons d'habitants, y considerando a suya aria, a densidat ye quasi igual a 10.000 hab/km².
A ciudat de Nueva York se clava en a costa noreste d'o país, en o corazón d'una ampla aria metropolitana conoixida como tristate («triestatal») por estar en a compleganza entre os estaus de Nueva York, Nueva Jersey y Connecticut.
Orichen etimolochico
Anque o suyo nombre orichinal estió Nueva Amsterdam, por estar una colonia neerlandesa, en 1667 (dimpués d'a Segunda Guerra Anglo-Holandesa) cambió a New York en honor a Chacobo, duque de York, qui ganó a guerra contra os Países Baixos.
Districtos d'a ciudat
A ciudat de Nueva York ye dividita en cinco districtos: Bronx (The Bronx, orichinariament en holandés Bronck's), New York (Manhattan), Queens (Queens), Kings (Brooklyn, en holandés Breukelyn[1]) y Richmond (Staten Island).
Historia
Antis de l'arribata d'os europeus, a zona de Nueva York yera poblata por tribus nativas amerindias como os lenapes, que ye a mes conoixita. O primer europeo en arribar a la Badía de Nueva York estió Giovanni da Verrazano, un explorador italián a o servicio d'o rei de Francia.
Sieglo XXI
Nueva York estió o prencipal obchectivo d'os Atentaus de l'11 de setiembre de 2001, en os quals murioron quasi 3.000 personas en a destrucción d'o World Trade Center.[2] Actualment en o lugar a on estioron as Torres Cheminucas son construyendo un nou complexo con o Memorial del World Trade Center, o One World Trade Center y atros edificios d'oficinas.
Demografía
A población de Nueva York yera de 8.443.713 en 2019, 258.814 personas més que en o censo de 2010; que estioron 8.184.89.
Orichen y raza
A población d'a ciudat de Nueva York ye una d'as més diversas d'America en l'actualida y a lo largo d'a suya historia.
| Orichen | Población (n°) | Porcentache (%) |
|---|---|---|
| TOTAL | 8.336.817 | 100 |
| indios ocidentals | 555.804 | 6,67 |
| italians | 494.924 | 5,94 |
| irlandeses | 369.109 | 4,43 |
| americans | 312.310 | 3,75 |
| alemans | 239.345 | 2,87 |
| polacos | 190.651 | 2,29 |
| subsaharians | 183.991 | 2,21 |
| rusos | 183.559 | 2,20 |
| angleses | 141.416 | 1,70 |
| guyaneses | 119.785 | 1,44 |
| Raza | Población (n°) | Porcentache (%) |
|---|---|---|
| TOTAL | 8.336.817 | 100 |
| Blanco | 3.531.777 | 42,36 |
| Niero u Afro-americán | 2.060.119 | 24,71 |
| Asiatico | 1.201.923 | 14,42 |
| Nativo | 33.787 | 0,41 |
| Chen d'o Pacifico | 3.860 | 0,05 |
| Atra raza | 1.190.239 | 14,28 |
| Dos u més razas | 315.112 | 3,78 |
Esporte
Os esportes mes populars son o béisbol, o baloncesto y o fútbol americán, anque l'esporte mes practicato ye o footing, especialment en Central Park.
Equipes mes importants
- Os New York Giants, y os New York Jets que chugan en National Football League (NFL) de fútbol americán.
- Os New York Islanders, os New Jersey Devils y os New York Rangers que chugan en la National Hockey League NHL a liga nacional estatounidense de hockey sobre chelo.
- Os equipe de baloncesto New York Knicks y os Brooklyn Nets, que chugan en a NBA a Liga Nacional estatounidense de baloncesto. En a categoria femenina os New York Liberty chugan en a liga WNBA.
- Os New York Mets y os New York Yankees, que chugan en a Major Ligue Baseball (MLB) a Liga profesional estatounidense de béisbol.
- O Red Bull New York que chuga en a Major League Soccer (MLS) a liga nacional profesional estatounidense de fútbol.
Escaicimientos esportivos
Entre os escaicimientos esportivos organizatos en Nueva York destaca a Maratón de Nueva York, por a suya larga tradición y fama que tién entre os atletas de tot o mundo.
Esportistas famosos
Entre os esportistas mas famosos cal destacar os chugadors de baloncesto Kareem Abdul-Jabbar, Michael Jordan, Bob Cousy, Dolph Schayes, Billy Cunningham, Lenny Wilkens, Nate Archibald, Kemba Walker, Connie Hawkins y Carmelo Anthony, os chugadors de béisbol Álex Rodríguez y Lou Gehrig y os tenistas John McEnroe y Jim Courier.
Ciudatz achirmanadas
Nueva York ye achirmanada con dotze ciudatz de tot o mundo: Pekín, Budapest, Cairo, Cherusalem, Johannesburgo, Londres, Madrit, Roma, Santo Domingo, Tokio, São Paulo y Bogotá.
Referencias
- ↑ (en) Brigit Viney: The History of the English Language. Oxford University Press, 2008. pp 50-56
- ↑ (en) SEPTEMBER 11, 2001 VICTIMS Pachina web dedicata ta as víctimas d'os atemtatos de l'11 de setiembre de 2001.
Vinclos externos
Se veigan as imáchens de Commons sobre a ciudat de Nueva York.
- (en) NYC.gov – Pachina web oficial d'a ciudat de Nueva York.
Guias
- (es) Foro Nueva York – Foro d'aduya ta viachar a Nueva York.
- (es) Vive Nueva York – Una guida en espanyol de Nueva York.
- (es) Consellos ta vesitar y vivir en a ciudat de Nueva York.
- (en) Hotels en Nueva York.