Vechige

Vechigen
	Wappe vo Vechigen
Basisdate
Staat:	Schwiiz
Kanton:	Bärn (BE)
Verwautigschreis:	Bärn-Mittuland
BFS-Nr.:	0359
Poschtleitzahl:	3067 Boll; 3068 Utzigen
Koordinate:	609430 / 199578Koordinate: 46° 56′ 50″ N, 7° 33′ 45″ O; CH1903: 609430 / 199578
Höchi:	583 m ü. M.
Flächi:	25 km²
Iiwohner:	5694 (31. Dezämber 2022)
Website:	www.vechigen.ch
	d Chiuche d Chiuche
Charte
	Charte vo Vechigen

Vechige (amtlech Vechigen) isch e politischi Gmeind im Verwautigschreis Bärn-Mittuland vom Kanton Bärn, Schwyz.

Geografi

D Gmeind Vechige ligt im obere Worbletau u zur Gmeind ghöre d Dörfer: Sinneringe, Boll, Vechige, Lindetau, Dentebärg, Utzige, Littewiu, Radufinge und Luterbach. D Gmeindsflächi bsteit us 63,8 % langwirtschaftlecher Flächi, 28,5 % Waud, 7,2 % Sidligsflächi u 0,5 % süschtigi Flächi.^[2] D Nachbergmeinde si: Chrouchtu, Oberbuurg u Hasli im Verwautigschreis Ämmitau; Wauggringe, Worb, Muri, Stettle u Bouige im Verwautigschreis Bärn-Mittuland.

Gschicht

Vechige isch zum erschte Mal gnennt worde im Jahr 1275 aus Vechingen. Bis zum 31. Dezämber 2009 het d Gmeind zum Bezirk Bärn ghört.

Wappe

S Wappe vo Vechige zeigt uf rotem Grund e wiisse Flügu. Heraldisch seit me e haube Flug. Flügu chöme i Wappe vor, hüfiger aber aus Heumzier über oder näb em Wappe – meischtens sis im oder näb em Wappe zwöi Flügu, aus Zier obe numen eine. Drum isch s Wappe vo Vechige mit nume eim Flügu im Schiud ehnder säute. Dr Name Vechige söu übrigens vom Wort Fecke für Flügu abstamme. Sit em Ougschte 2013 het d Gmeind Vechige es Wappe, wo zwar s gliiche druffen isch, wi uf em aute Wappe, aber dr Flügu isch gliner zerchenne.^[3]

bis 2013
sit Ougschte 2013

Ywohner

Quäuue: Bundesamt für Statistik 2005^[4]

Jahr	1850	1860	1870	1880	1888	1900	1910	1920	1930
Ywohner	2692	2525	2554	2970	2840	2860	2730	2714	2762
Jahr	1941	1950	1960	1970	1980	1990	2000	2010	2015
Ywohner	2803	2914	3153	3595	4036	4240	4614	4691	5252

Dr Uusländeraateil isch 2010 bi 6,8 % gläge.^[5]

Sprach u Dialäkt

Bir Vouchszeuuig 2000 hei vo de 4614 Ywohner 95,7 % Dütsch aus Houptsprach aaggää, 0,9 % Französisch u 0,5 % Italienisch.^[5]

Dr Dialäkt vo Vechige ghört zum Hochalemannisch.

Religion

77,4 % vo de Ywohner si evangelisch-reformiert, 10,3 % si römisch-katholisch (Stang 2000).^[5]

Politik

Bi de Nationauraatswahle 2011 het s das Ergebnis ggää:^[5] BDP 17,3 %, CVP 2,1 %, EVP 4,1 %, FDP 9,8 %. GLP 5,9 %, GP 9,2 %, SP 16,6 %, SVP 29,5 %, Suschtigi 5,5 %.

Im 2019 si d Resultat wie folgt gsi: BDP 9,5 %, CVP 1,7 %, EVP 4,5 %, FDP 10,9 %. GLP 11,4 %, GP 12,1 %, SP 13,6 %, SVP 30,7 %, Süschtigi 5,6 %.^[2]

Gmeindspresidänt vo Vechige isch dr Walter Schilt (SVP) und Vize isch dr Erich Bolz (SP) (Stang 2020).^[6]

Wirtschaft

D Arbetslosigkeit isch im Jahr 2011 bi 1,0 % gläge.^[5]

Weblink

Commons: Vechigen – Sammlig vo Multimediadateie

www.vechigen.ch
Anne-Marie Dubler: Vechigen. In: Historisches Lexikon vo dr Schwiiz.
Anne-Marie Dubler: Boll. In: Historisches Lexikon vo dr Schwiiz.
Anne-Marie Dubler: Sinneringen. In: Historisches Lexikon vo dr Schwiiz.
Anne-Marie Dubler: Utzigen. In: Historisches Lexikon vo dr Schwiiz.

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
↑ ^2,0 ^2,1 Bundesamt für Statistik: Gemeindeporträts
↑ Vechigens neues Wappen: Der abgespeckte Hühnerflügel Artiku vom 27. Ougschte 2013 uf bern-ost.ch
↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch Date im Aahang)
↑ ^5,0 ^5,1 ^5,2 ^5,3 ^5,4 Bundesamt für Statistik: Regionalporträts 2012: Kennzahlen aller Gemeindenuf bfs.ch vom Mai 2012
↑ Gemeinderat uf vechigen.ch

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[:0-2] 2,0 ^2,1 Bundesamt für Statistik: Gemeindeporträts

[3] Vechigens neues Wappen: Der abgespeckte Hühnerflügel Artiku vom 27. Ougschte 2013 uf bern-ost.ch

[4] Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch Date im Aahang)

[BfS_2012-5] 5,0 ^5,1 ^5,2 ^5,3 ^5,4 Bundesamt für Statistik: Regionalporträts 2012: Kennzahlen aller Gemeindenuf bfs.ch vom Mai 2012

[6] Gemeinderat uf vechigen.ch

[1]

[2]

[3]

[4]

[5]

[6]