Triische
| Triische | ||||||||||||
|---|---|---|---|---|---|---|---|---|---|---|---|---|
Triische (Lota lota) | ||||||||||||
| Systematik | ||||||||||||
| ||||||||||||
| Wüsseschaftlige Name vo der Gattig | ||||||||||||
| Lota | ||||||||||||
| Oken, 1817 | ||||||||||||
| Wüsseschaftlige Name vo der Art | ||||||||||||
| Lota lota | ||||||||||||
| (Linnaeus, 1758) |
D Triische oder s Moserli (Lota lota; alemanischi Näme) isch e roiberische Schwarmfisch. Si isch de anzig europäischi Dorschfisch, wo im Süesswasser lebt.
Uussie
[ändere | Quälltäxt bearbeite]D Triische isch e lange dünne bruu marmorierte Fisch, miteme leopardenartige Muster und chliine Schuppe. De Buuch und d Ruggeflosse sind hell. Si het e braite Chopf und a de Naselöcher je ann chorze Bartel und am Underchifel e lange. Si werd 30 bis 70 cm lang, mengisch au e ganze Meeter und cha denn 25 Kilo wöge.
Verbraitig
[ändere | Quälltäxt bearbeite]D Triische isch i Mittel-, Nord- und Osteuropa verbraitet. I de Alpe chunnt si bis zonere Hööchi vo 2000 müM vor. Si lebt i chalte, klare suurstoffriiche Stand- und Flüüssgwässer und taucht bis zonere Tüüffi vo 200 Meter abe.
Lebeswiis
[ändere | Quälltäxt bearbeite]D Triische isch e nachtaktive Fisch, wo sich dör de Taag döre under Stai und i Hööline versteckt. Si fresst Wirbelloosi und jagt bsunders im Winter anderi Fisch und zücht sich im Summer i tüüffi und chalti Wasserschichte zrugg. Stiigt d Wassertemperatur öber 20 Grad werd si inaktiiv.
D Laichzitt goot vom November bis in Märze, binere Wassertemperatur under 6 Grad und i chalte Winter au under de Iisdecki. Öppe 20 Triische bildet denn e Böle, wo öppe 60 cm messt und im Wasser ufem Bode umechugelet. D Wiibli leged debii i subere chiisige Stele bis zo drai Milioone Aier, wo vomene Ööltröpfli umgee sind. Die triibet denn öppe 40 bis 70 Taag im Wasser bis d Laarfe schlüüffet, wo vo Plankton lebet. Di junge Fischli wachset im erste Joor 8 cm. Mandli wered mit drai, Wiibli mit vier Joor gschlechtsriiff, wenn si öppe 20 cm lang sind. Triische wered 20 Joor alt.
Büecher
[ändere | Quälltäxt bearbeite]- Stefan Ineichen (Hrsg.): Stadtfaune, 600 Tierarten der Stadt Zürich; Bern 2010; ISBN 978-3-258-07561-7
- Fritz Terofal u. a.: Süßwasserfische in europäischen Gewässern. Mosaik, München 1984, ISBN 3-570-01274-3.
- Roland Gerstmeier, Thomas Romig: Die Süßwasserfische Europas für Naturfreunde und Angler, 2. Auflage. Franckh-Kosmos, Stuttgart 2003, ISBN 3-440-09483-9, S. 311 ff.
Weblink
[ändere | Quälltäxt bearbeite]
Commons: Triische – Sammlig vo Multimediadateie- Trüsche uf Fishbase.org (englisch)
- Lota lota in dr Rote Lischt vu dr gfehrdete Arten vu dr IUCN 2012.2. Yygstellt vu: Freyhof, J.,Kottelat, M., 2008. Abgruefe am 09.04.2013