Dr Internazional Wäärigsfond

Internationale Wäärigsfond (IWF) International Monetary Fund (IMF) Fonds monétaire international (FMI)
Logo vom IWF
Organisazionsart	Sonderorganisazion
Abchürzig	IWF, IMF, FMI, МВФ (MVF)
Läitig	Christine Lagarde
Gründet	1.-22. Juli 1944 entworfe, 27. Dezämber 1945 gründet[1][2]
Hauptsitz	Washington, D.C.
www.imf.org

Dr International Wäärigsfond (IWF; änglisch International Monetary Fund, IMF; au bekannt as Wältwäärigsfond) isch e Sonderorganisazion vo de Veräinte Nazione und het si Sitz z Washington, D.C., USA.

Zu sine Ufgoobe ghööre d Förderig vo dr internazionale Zämmenaarbet in dr Wäärigspolitik, d Uswitig vom Wälthandel, d Stabilisierig vo de Wäggselkürs, dr Kreditvergoob, dr Überwachig vo dr Gäldpolitik und technischi Hilf.

Dr IWF isch 1944 zämme mit sinere Schwöschterorganisazion, der Wältbank, as Folg vo dr Komferänz vo Bretton Woods entworfe worde. Bäidi Organisazione wärde dorum as Bretton-Woods-Instituzion bezäichnet.

Dr IWF het zurzit 188 Mitgliedländer, wo s Stimmrächt von ene sich an iirem Kapitalaadäil orientiert. D Mitgliidstaate mit de grösste Stimmaadäil si: USA 16,75 %, Japan 6,23 %, Dütschland 5,81 %, Frankriich 4,29 %, Veräinigts Köönigriich 4,29 % und China 3,81 %. Vo de dütschsproochige Länder häi Luxeburg 0,20 %, Ööstriich 0,87 % und d Schwiiz 1,40 % Stimmenaadäil.^[3]

Dr IWF het scho lang e stark neoliberali Posizioon iignoo und Staate, wo finanzielli Understützig brucht häi, zun ere neoliberale Wirtschaftspolitik zwunge. Maassnaame won er mäistens duuregsetzt het, si gsi, dr Fluss vom Kapitaal und vo de Güeter z dereguliere, uf dr nazionaale und au uf dr internazionaale Eebeni, zum eso d Wettbewärbsfäikäit z vergröössere; und d Staatsusgoobe z sänke zum eso Schulde abzbaue. Die Wirtschaftspolitik chunnt jetz aber mee und mee under starki Kritik, au vo Expärte vom IWF sälber. So häi d IWF-Ökonoome Jonathan Ostry, Prakash Loungani und Davide Furceri in iirem Ardikel «Neoliberalism: Oversold» in dr Juni-Usgoob 2016 vo dr IWF-Zitschrift Finance & Development zuegee, ass die früenere Empfäälige vom Fonds wie d Öffnig vo de Kapitalmäärt kuum mee Waggsdum brocht häi, aber e groosse Iifluss uf d Vergröösserig vo dr Ungliichhäit gha häi, was s Wirtschaftswaggsdum brämst häig. Si gseen jetz au d Deregulierig as e Hauptgrund für spekulativi Flüss vo Kapitaal, wo schweeri Finanz- und Bankkriise chönne verursache.^[4]

• Thomas Gerassimos Riedel: Rechtsbeziehungen zwischen dem Internationalen Währungsfonds und der Welthandelsorganisation: die Organisationen und ihre gegenseitigen Rechtsbeziehungen im Bereich des Handels und der Subventionen. Nomos Verlagsgesellschaft, Baden-Baden 2008, ISBN 978-3-8329-3703-4.
• Axel Dreher: Die Kreditvergabe von IWF und Weltbank. Ursachen und Wirkungen aus politisch-ökonomischer Sicht. wvb Berlin. 2003, ISBN 3-936846-54-5.
• Axel Dreher: Verursacht der IWF Moral Hazard? Ein kritischer Literaturüberblick. In: Jahrbuch für Wirtschaftswissenschaften. 54, 3(2003), S. 268–287.
• Richard Peet: Unholy Trinity. The IMF, World Bank and WTO. ISBN 1-84277-072-1, ISBN 1-84277-073-X.
• Ernst Wolff: Weltmacht IWF Chronik eines Raubzugs. ISBN 978-3-8288-3329-6.

 Commons: Internazionale Wäärigsfond – Sammlig vo Multimediadateie

• Website vom Internazionale Wäärigsfond (meersproochig)
• Informatione uf Dütsch (Stand: 2000)
• Attac: 60 Jahre Bretton-Wood-System, Die Unterstützung von Diktaturen durch Weltbank und IWF
• IWF und Weltbank – Anspruch und Wirklichkeit

1. ↑ IWF: About the IMF: History: Cooperation and reconstruction (1944–71) (änglisch)
2. ↑ IWF, Chronologie (1944–2006): IMF Chronology (änglisch)
3. ↑ IMF Members’ Quotas and Voting Power, and IMF Board of Governors. (Stand: 25. Novämber 2013).
4. ↑ «Der IWF relativiert den Neoliberalismus» in vazonline.ch, abgrüeft am 8. Juni 2016

Dä Artikel basiert uff ere fräie Übersetzig vum Artikel „Internationaler_Währungsfonds“ vu de dütsche Wikipedia. E Liste vu de Autore un Versione isch do z finde.

38.898888888889-77.044166666667Koordinate: 38° 53′ 56″ N, 77° 2′ 39″ W