Herzog & de Meuron

Herzog & de Meuron
Unternähmensform	Partnerschaft
Gründig	1889
Sitz	Baasel, Schwiz
Mitarbeiter	40 Partner, 380 Mitarbäiter
Branche	Archidekduurbüro
Uffdritt im Netz	Website vo Herzog & de Meuron

Herzog & de Meuron isch e Schwizer Archidekduurbüro, wo 1978 vo de Archidekte Jacques Herzog (* 19. April 1950 z Baasel) und Pierre de Meuron (* 8. Mai 1950 z Baasel) gründet worde isch.

1975 häi dr Herzog und de Meuron bäidi iir Archidekduurdiplom an dr ETH Züüri bechoo. Drei Joor spööter häi si z Baasel an dr Rhiischanze 6 en Archidekduurbüro ufdoo. S Undernääme het hüte Bransche z London, Hamburg, Madrid, Nöi York und Hongkong und het 420 Mitarbäiter.^[1] Partner im Büro Herzog & de Meuron si dr Harry Gugger (* 1956) und d Christine Binswanger (* 1964) und sit 2003 au dr Robert Hösl (* 1965), Ascan Mergenthaler (* 1969) und fünf witeri Archidekde. De Meuron und Herzog gäbe bäidi Underricht an dr ETH Züüri und an dr Harvard University.

Herzog & de Meuron si mit em Brojekt für d Tate Modern z London internazionaal bekannt worde. S Büro het die bäide Stadion St. Jakob-Park z Baasel und Allianz Arena z Münche entworfe. Für die Olympische Spiil 2008 häi si s Nazionaalstadion z Peking blaant und baut und si si verantwortlig für d Saaga um d Hamburger Elbfilharmonii.

• 
  d Allianz Arena Münche (2002–2005)
• 
  Tenerife Espacio de las Artes z Santa Cruz de Tenerife, 2007
• 
  S Nazionaalstadion Peking
• 
  Prada Aoyama Epicenter, Tokio, 2001–2003
• 
  S St. Jakob-Park (2001)
• 
  IKMZ z Cottbus (2004)
• 
  D Erwiterig vo dr Tate Gallery – Tate Gallery of Modern Art, London; 1995–1999
• 
  S zentraale Stellwärk vo dr SBB Baasel (1994–1998)
• 
  D ICT und d Apideek vom Uniwersidäätsspidaal, Baasel (1995–1997)
• 
  D Bibliothek vo dr Fachhoochschuel Eberswalde (1993–1996)
• 
  D Elbfilharmonii, 2015

• Herzog & de Meuron: Das Gesamtwerk, in vier Bänden, Birkhäuser Verlag
  • Band 1: ISBN 978-3-7643-5616-3
  • Band 2: ISBN 978-3-7643-7365-8
  • Band 3: ISBN 978-3-7643-7112-8
  • Band 4. ISBN 978-3-7643-8639-9
• Herzog & de Meuron: Naturgeschichte, 2005 ISBN 978-3-03778-050-3
• Herzog & de Meuron: Die Schweiz. Ein städtebauliches Porträt, 3 Bänd, 2006 ISBN 978-3-7643-7282-8

 Commons: Herzog & de Meuron – Sammlig vo Multimediadateie

• Website vo Herzog & de Meuron
• Herzog & de Meuron. In: archINFORM.
• Herzog & de Meuron Fotigalerii
• „Herzog & de Meuron Pritzker Architecture Prize Laureates“
• Eintrag von Herzog & de Meuron in nextroom.at
• Foto Bild Galerie: Herzog & de Meuron
• Interview mit Jacques Herzog (englisch)

1. ↑ Herzog & de Meuron planen Zukunft, Baasler Zitig, 18. Merz 2009

Dä Artikel basiert uff ere fräie Übersetzig vum Artikel „Herzog_%26_de_Meuron“ vu de dütsche Wikipedia. E Liste vu de Autore un Versione isch do z finde.