Huusmeier

Dr Huusmeier, Kaschtellan oder dr Majordomus (us latiinisch maior – dr Verwalter, Verwäser, und domus – s Huus), also s Amt vom Verwalter vom Huus, zellt zu de Ämter vom mittelalterliche Hof (lueg au: maior villae).

Zeerscht hät de Huusmeier nu d Verwaltig vo Huus und Hof organisiert. Mit dr Zuenaahm vo dr Macht sinds Leiter vo dr Regierigsgwalt worde. Ires Amt isch mit de Ziit eerblich worde und hät ene nüme chöne ewegggnaa werde. Als Repräsentant vom König sind si vor em Königsgricht uufträtte. D Rächtsschtelig vom Huusmeier hät sich im Lauf vom Hoch- und Schpaatmittelalter uf de Hofmeischter übertreit, wo e generelli Verträttigsmacht vom Fürscht a siim Hof iignaa hät. Näbed em Truchsäss, em Seneschall, em Marschall und em Kämmerer isch de Huusmeier eis vo de höchschte Ämter am Hof vom früehe Mittelalter gsii. Die bekanntischte Huusmeier sind d Karolinger de Pippin dr Elter und de Karl Martell gsii. Dur die Macht, wo im Erbamt vom Huusmeier vereint gsi isch, isch es de Karolinger zletschtamänd möglich worde, d Herrschaft vom Frankeriich vo de Merowinger z überneh.

Dr Huusmeier hät mit siinere Familie – trännt vom übrige Personal – vo dr Chuchi en eiges mehrgängigs Mahl überchoo, wo a dr «Verwaltertafle» aagrichtet worde isch.

• Liste vo de Huusmeier und Churzbiografii
• Kaschtellan

• Karolinger und Arnulfinger

Dä Artikel basiert uff ere fräie Übersetzig vum Artikel „Hausmeier“ vu de dütsche Wikipedia. E Liste vu de Autore un Versione isch do z finde.