Doja Cat

D’ Amalaratna „Amala“ Zandile Dlamini (* 21. Oktoower 1995 z’ Los Angeles, Kàlifornia), bass’r bekànnt unt’r ìhrem Kìnschtlernàmma Doja Cat [ˈdoʊdʒə kæt](info), ìsch a US-àmerikànischa Rapperin, Sangera un Liadermàchera.

Ìhra Kàrriar hàt sa ìn ìhra Jugendsjoohra ààgfànga, wu sa ìhra äärschta Liader uff dr Plàttform SoundCloud veräffentligt hàt. Noh-n-ìhrem äärschta Liad So High hàt sa ìm Àlter vu 17 a gmainsààmer Vertrààg bii da Label Kemosabe un RCA Records unterzaichent. D’rnooh ìsch ìhra äärschta EP Purrr! ànna 2014 üssagànga. Noh dr Veräffentligung vun ìhrem äärschta Schtüdioàlbum Amala ànna 2018 ìsch d’ Doja Cat mìt’m YouTube-Video vun ìhrer Sìnggel Mooo! ain vu da bekànnteschta Memes vum Joohr 2018 worra. Dànk ìhrer wackselnda Bekànnthait hàt sa ìm Joohr druff ìhr zwaita Schtüdioàlbum Hot Pink veräffentligt. S’ Wark ìsch ìn dr Top-10 vum US Billboard 200 ànakumma, un d’ Remix-Wärsioon vu dr Sìnggel Say So zamma mìt dr Rapperin Nicki Minaj ìsch àm Schpìtzaplàtz vum Billboard Hot 100 ànakumma. Ìhr drìtt Àlbum Planet Her üss’m Joohr 2021 ìsch dräi Wucha làng uff Plàtz 2 vum Billboard 200 blììwa. D’ Sìnggels Kiss Me More (zamma mìt dr SZA), Need to Know un Woman sìnn ìm Top-10 vu da Charts gsìì.

Ìm Làuif vun ìhrer Kàrriar hàt d’ Doja Cat zàhlriicha Üsszaichnunga bikumma, drunter ain Grammy Award, fìmf Billboard Music Awards, fìmf American Music Awards un dräi MTV Video Music Awards. Ànna 2023 ìsch sa vu dr Zittschrìft Time bii da „100 iiflussriichschta Litt ìn dr Walt“ glischtet worra.^[1]

D’ Amala Ratna Zandile Dlamini^[2] ìsch àm 21. Oktoower 1995^[3][4] ìn’ra Kìnschtlerfàmìlia ìm Viartel Tarzana z’ Los Angeles (Kàlifornia) uff d’ Walt kumma.^[5][6] Ìhra Müatter Deborah Sawyer ìsch a US-àmerikànischa Grafikera mìt àschkenàsisch-jìddischer Herkunft.^[7][8] Ìhr Vàtter Dumisani Dlamini ìsch südàfrikànischer Kìnschtler üss’m Volk Zulu.^[9] Ar ìsch bekànnter worra àls Mìtglììd ìn dr Bsätzung vum Broadway-Operättla Sarafina!. Ar ìsch àui ànna 1992 ìn dr Verfìlmung vum Operättla z’ sah gsìì.^[10][11] Baida hann a kurza Beziihung ghàà, wu sa sìch z’ Nöi York kännaglehrt hann. Waga dr Tournee hàt dr Dlamini numma weeniga Zitt mìt dr Amala un ìhrem Brüader verbrocht.^[8] Ar hàt gsajt, àss’r siina Fàmìlia ìn Àmerikà fàraloo hàt, fìr ìn Süüdàfrikà z’ruckgeh, wial’r Haimwäh ghàà hatt — ar hatt ghofft, àss d’ Fàmìlia schpeeter doo kumma wurd.^[12] Jedoch hàt d’ Doja Cat mehrmols z’ verschteh gaa, àss sa ìhr Vàtter nìt güat kännt; sa hàt sogàr amol sajt, àss sa’na nia getroffa hàt.^[13][14][15] Dr Vàtter hàt dia Behàuiptunga beschtrìtta un hàt gsajt, àss’r a „gsunda“ Bzeiihung züa siinera Tochter hàt, un àss d’ Manatscher vu dr Doja Cat ìhra verbotta hann, mìt ìhm z’ reeda.^[16][12]

Kurz noh ìhrer Geburt hàt d’ Dlamini üss Tarzana uff Rye ìm Bundesschtààt Nöi York gwàndelt. Doo hàt sa fìmf Joohra làng bii ìhrer Groossmüatter müattersitts glabt, wo-n-a jìddischa Àrkitäckta un Moolera gsìì-n-ìsch.^[8][17] Ìm Àlter vun àcht hàt sa zamma mìt ìhrer Müatter un Brüader ìn d’ Gmainschàft Sai Anantam Ashram ìm Gebìrg bii Santa Monica (Kàlifornia) gwàndelt.^[8] Doo hàt sa viar Joohra làng Hinduìschmus pràktiziart.^[18][19] Grìnda worra-n-ìsch d’ Gmainschàft vu dr àmerikànischa Jazz-Müüsikànta Alice Coltrane, wo dr Tìtel „Swami“ trajt hàt; bekànnt gsìì-n-ìsch sa àui unter’m Sanskrit-Nàmma Turiyasangitananda.^[20] Wahrend ìhrer Zitt ìn dr Gmainschàft hàt d’ Dlamini a Schlaijer trajt un hàt ìm Tampel religiöösa Liader fànga àà sìnga.^[5] Sa hàt àwwer gsajt, àss sa ìm Ashram „nìt genàui a Kìnd“ hàt känna sìì.^[21][18] Noh dr Zitt ìn dr Gmainschàft hàt ìhra Fàmìlia uff Oak Park ìm süüdliga Kàlifornia gwàndelt. Doo hàt d’ Dlamini glarnt tànza un Schport triiwa. Sa ìsch mìt’m Skateboard gfàhra un hàt oft z’ Malibu àn Surfcamps mìtgmàcht.^[22][20] Wia-n-ìhr Brüader hàt sa unt’r ràssìschta Dischkriminiarung glitta, dänn sa ìsch ain vu da saltana fàrwiga Kìnder ìn dr Regioon gsìì.^[8] Wagadam hàt sa sìch nìmm fìr d’ Schüal ìnträssiart un hàt schtàttdässa ender getànzt.^[23] Ìm Aschram hàt sa a Schtiil vu dr klàssischa ìndischa Tànz Bharatanatyam glarnt ghàà.^[20] Wahrend ìhrer Gümnàsiààlzitt hàt sa Breakdance glarnt un hàt sìch era Poplocking-Grupp ààgschlossa. Mìt dr Grupp hàt sa àn Tànz-Battles z’ Los Angeles mìtgmàcht.^[6] Ìhra Tànta-n-ìsch Gsàngslehrera gsìì; bii ìhra hàt d’ Amala glarnt sìnga un hàt àn dr Àbheerung àn’ra kìnschtleriga Gümnààsium z’ Los Angeles mìtgmàcht.^[20][8][24] D’ Amala hàt àwwer oft gschwantzt, fìr ìm Internet mìt àndra Litt z’ reeda.^[25] D’ Amala hàt sìch ìmmer weeniger fir d’ Schüal ìnträssiart un hàt sìch ìmmer numma fìr dàrschtällenda Kunscht un Müüsik ìnträssiart.^[26] Mìt 16 Joohra hàt sa schliasslig d’ Schüal àbgebrocha.^[27] Üsserdam hàt sa bekànnt gaa, àss sa waga-n-ìhrer Uffmarksààmkaitsdefizit/Hyperàktiwitäätsschteerung (ADHS) ìn dr Schüal nìmm hàt känna fortschraita.^[8]

Schtüdioàlba

• Amala (2018)
• Hot Pink (2019)
• Planet Her (2021)
• Hellmouth (noch nìt ärschììna)

 Commons: Doja Cat – Sammlig vo Multimediadateie

• ìhra offiziälla Websitta (anglisch)
• Doja Cat bi Allmusic (änglisch)
• Doja Cat bi Discogs (änglisch)
• Doja Cat bi MusicBrainz (änglisch)
• Doja Cat in de Internet Movie Database (änglisch)
• Kanal von Doja Cat uf YouTube

Dä Artikel basiert uff ere fräie Übersetzig vu dere Version vum Artikel „Doja_Cat“ vu de änglische Wikipedia. E Liste vu de Autore un Versione isch do z finde.