Ben Vautier

Dr Benjamin „Ben“ Vautier (* 18. Juli 1935 z Neapel; † 5. Juni 2024 z Nizza) isch e schwyzerisch-franzeesische Chinschtler vu dr Fluxus-Beweegig gsii. Im franzeesichsproochige Ruum het mer iin zmaischt nume chuurz Ben ghaiße.^[1]

Dr Schwyzer Mooler Benjamin Vautier (1829–1898) sich em Vautier sy Uurgrooßvater gsii, d Mooler Karl Vautier (1860–1910) un Otto Vautier (1863–1919) syni -Grooßunkel. Syni Eltere sin dr Max Ferdinand Vautier (*4. Juli 1900 z Düsseldorf) un Janet Giraud (1898–1989) gsii, sy Grooßvater dr Schwyzer Chaufmann, Chunschtsammler un Numismatiker Paul Louis Vautier (1865–1930). D Familie vum Vautier isch in syne eerschte Joor zwische verschiidene Länder hii- un häärzooge un het schließlig anne 1949 ire Woonsitz uf Nizza verlait.

Dr Vautier het aafange ne aigene, perseenlige chisnchtlerische Stiil z entwickle, wu an Dadaismus aagläänt gsii isch. Aagregt woore dooderzue isch er vu Chinschtler wie Yves Klein, Marcel Duchamp un dr Nouveaux Réalistes.

Zwische 1958 un 1973 het dr Vautier e Blattelaade z Nizza gfiert, s „Magasin“. Där het dur sy Fassaad un d Innenyyriichtig fir Ufsää gsoorgt. D Fassaad isch im Lauf vu dr Zyt mit ere grooße Zaal vu unterschiidlige Objäkt iberzooge woore. S Ganz het er ergänzt mit karakterischtische grällfaarbige Schrybschriftziig. Anne 1994 isch d Fassad im Centre Georges Pompidou uusgstellt woore.

Im Joor 1959 het dr Vautier d Zytschrift Ben Dieu grindet. Im Joor druf het s im zweete Stock vu sym Gschäft (deert im sognännte Laboratoire 32) di eerscht Ainzeluusstellig „Rien et tout“ (alem.: Nyt un lles) gee.

Dr Vautier isch zuen eme Mentor vu dr Chunschtbeweegig Figuration Libre woore, wu 1981 in eme Artikel in dr Zytschrift Flash Art dr Name vum Vautier iiberchuu het.

Är isch uf Hyfe Uusstellige im In- un Uusland verdrätte gsii. Retroschpektiive sin Zyyge fir sy chinschtlerische Erfolg gsii.

Dr Vautier isch am 5. Juni 2024 im Alter vu 88 Joor dur Suizid gstoorbe,^[2] nume ne baar Stund, nodäm sy Frau noch ere 60-jeerige Ee an dr Folge vum eme Schlaag gstoorben isch, wu si zwee Dääg voorhäär ghaa het, wie di baide Chinder vum Baar mitdailt hän.^[3]

Näbe Al Hansen, John Cage un andere het au dr Vautier vu 1962 bis 1970 zue dr wiichtigschte Mitgliider vu dr Fluxus-Beweegig gheert. Är isch uf internazionaale Fluxus-Feschtiwäl verdrätte gsii un dur Hyfe Performanceufdritt in Erschyynig drätte. Dr Vautier isch mit verschiidene Wäärch im museum FLUXUS+ z Potsdam uusgstellt.

Aafangs 1960er-Joor het dr Vautier d Akzioon gmacht, alles z signiere, was em unter d Auge chuu isch, au d Wäärch vu andere Chinschtler uns y aigene Lyyb. Är isch doderby vu dr „Ready-mades“ vum Marcel Duchamp un dr Erkänntnis uusgange, ass e Chunschtwäärch uusschließli dur d Signatuur z chänne isch. Die Akzioon het rund zwai Joor speeter, 1962, in ere unterschriibene Erkleerig gipflet, ass er chimftig nyt me wett signiere.

Im Joor 1972 isch dr Vautier Dailnämer vu dr Documenta 5 z Kassel in dr Abdailig Individuelle Mythologien: Selbstdarstellung – Performances – Activities – Changes gsii.

Anne 1992 het e Motto la Suisse n’existe pas („d Schwyz git s nit“) vum Vautier dr offiziäll Schwyzer Pavillon bi dr Wältuusstellig z Sevilla ziert.

• 1986: Kunstverein Ingolstadt
• 2001: Ben Vautier. Ist das Nichts wichtig?, Staatliches Museum Schwerin un Ludwig Museum im Deutschherrenhaus, Koblenz
• 2012: être, Burg Malbrouck, Manderen
• 2015: Ist alles Kunst?, Museum Tinguely, BaselBaasel

• Kornelia von Berswoldt-Wallrabe (Hrsg.): Ben Vautier. Ist das Nichts wichtig? Staatliches Museum Schwerin, Schwerin 2001, ISBN 3-86106-069-8.
• Barbara Roosen: Benjamin Vautier – Einführung in das Werk und Überlegungen zur autothematischen Reflexion des künstlerischen Selbstverständnisses. Universität Bonn, Diss. 2007.
• Wollt Ihr das totale Leben? Fluxus und Agit-Pop der 60er Jahre in Aachen. Neuer Aachener Kunstverein, Aachen 1995, ISBN 3-929261-24-3.
• Nie wieder störungsfrei! Aachen Avantgarde seit 1964, Kerber Verlag, 2011, ISBN 978-3-86678-602-8.
• ¿quien es Ben? / Who is Ben? Ben Vautier, Museo Vostell Malpartida, 2008, ISBN 978-84-9852-109-2.
• Ben Vautier. Ist alles Kunst?, Museum Tinguely, Basel 2015, Kehrer Verlag Heidelberg, ISBN 978-3-86828-648-9

 Commons: Ben Vautier – Sammlig vo Multimediadateie

• Literatur vu un iber Ben Vautier im Katalog vu dr Dütsche Nazionalbibliothek
• Literatur vu un iber Ben Vautier im SUDOC-Katalog (Verbund vu franzesische Universitetsbibliotheke)
• Offiziälli Websyte
• Vautier im Mail Artists’ Index
• BEN im n.b.k. Video-Forum
• Claire Stoullig: Vautier, Ben. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).

1. ↑ Ben, l'artiste à l'écriture enfantine, est mort à l'âge de 88 ans. In: France24. 5. Juni 2024, abgruefen am 6. Juni 2024 (französisch). 
2. ↑ P. Gratian: L’artiste Ben, connu pour ses écritures, retrouvé mort à 88 ans, le lendemain du décès de sa femme. In: ouest-france.fr. 5. Juni 2024, abgruefen am 5. Juni 2024 (französisch). 
3. ↑ French artist Ben takes own life after wife's death: family, france24.com (AFP), 5. Juni 2024.

Dä Artikel basiert uff ere fräie Übersetzig vu dere Version vum Artikel „Ben_Vautier“ vu de dütsche Wikipedia. E Liste vu de Autore un Versione isch do z finde.