Marion Maréchal

D’ Marion Maréchal [maʁjɔ̃ maʁeʃal](info) (bìrgerlig d’ Marion Jeanne Caroline Le Pen; * 10. Dezamber 1989 z’ Saint-Germain-en-Laye bii Pàriis) ìsch a frànzeescha Politikera. Zwìscha 2010 un 2018 hàt sa dr Nàmma Marion Maréchal-Le Pen [maʁjɔ̃ maʁeʃal lə pɛn](info) brüücht.

D’ Maréchal hàt bis 2019 zem Front National (FN) gheert, wo-n-ìhr Groossvàtter Jean-Marie Le Pen grìnda hàt un schpeeter ìhra Tànta Marine Le Pen glaita hàt.

Ànna 2012 ìsch sa ìm süüdfrànzeescha Département Vaucluse àls Àbgoordneta ìn d’ Nàzionààlversàmmlung gwählt worra. Domìt ìsch sa d’ ainzelna FN-Àbgoordneta vu dr 14. Legislàtüürperiooda gsìì, un mìt 22 Joohra-n-ìsch sa d’ jìngschta-n-Àbgoordneta ìn dr Gschìcht vu dr Frànzeescha Repüblik bis àn dr Pàrlàmantswàhl vu 2022 gsìì. Bii dr Regionààlwàhl vu 2015 ìsch sa FN-Schpìtzakàndidààta ìn Provence-Alpes-Côte d’Azur gsìì un hàt mìt 45,2 Prozant vu da Schtìmma ìn dr zwaita Runda s’ bäschta-n-Ärgabniss vun’ra FN-Lischta ìn Frànkrììch ghàà. Sa ìsch àls d’ Ààfiahrera vu dr identitäära un liberààlkonsärwàtiiwa Schtreemung ìnnerhàlb vu dr Pàrtäi betràchta worra.

Noh dr Presidàntschàftswàhl vu 2017 ìsch d’ Marion Maréchal üss dr Politik z’rucktratta. Ìm Joohr druff hàt sa s’ Ìnschtitüüt fìr Soziààl-, Wìrtschàfts- un Politikwìssaschàfta (ISSEP) z’ Lyon grìnda un ìsch siina Generààllaitera worra. Ìn Hìnblìck vu dr Presidàntschàftswàhl vu 2022 hàt sa dr rachtsextreema Kàndidààt Éric Zemmour unterschtìtzt.^[1][2][3] Àm 19. Àwrìl 2022 ìsch sa àls schtällvertrattenda Vorsìtzenda vu siinera Pàrtäi Reconquête ärnännt worra.^[4]

Bii dr Öiropàwààhl vu 2024 ìsch sa Schpìtzakàndidààtin vu dr Pàrtäi Reconquête gsìì.^[5] Sa ìsch ìns Öiropàpàrlamant g’wählt worra. A pààr Taaga nooh dr Wààhl ìsch sa üss dr Pàrtäi üssg’schlossa worra, wial sa ìn Hìnsìcht vu dr vorgezoogana Pàrlàmantswààhl d’ RN-Kàndidààta unterschtìtzt hàt.^[6][7]

• Le Pen (Fàmìlia)

• Kim Son Hoang: Die Nichte, die Marine Le Pen in den Rücken fällt. In: Der Standard. 1. Februar 2022 (österreichisches Deutsch, derstandard.de [abgerufen am 27. Oktober 2022]). 
• Michel Henry: La Nièce : le phénomène Marion Maréchal-Le Pen. Éditions du Seuil, 2017, ISBN 978-2-02-133778-5 (französisch, 352 S.). 
• Louis Hausalter: Marion Maréchal : le fantasme de la droite. Éditions du Rocher, 2020, ISBN 978-2-268-10356-3 (französisch, 288 S.). 
• Clément Guillou, Corentin Lesueur: Européennes : Marion Maréchal, une Le Pen avant tout. In: Le Monde. 28. Mai 2024 (französisch, lemonde.fr [abgerufen am 14. Juni 2024]). 
• Paul Laubacher: Éric Zemmour-Marion Maréchal: l'histoire secrète d'une rupture. In: Le Figaro. 13. Juni 2024 (französisch, lefigaro.fr [abgerufen am 14. Juni 2024]). 

 Commons: Marion Maréchal – Sammlig vo Multimediadateie

• Ìn dr Marion Maréchal ìhra offiziälla Websitta (frànzeesch)
• d’ Marion Maréchal-Le Pen ìn dr Àbgoordneta-Dàtabànk vu dr Nàzionààlversàmmlung (frànzeesch)
• d’ Marion Maréchal-Le Pen ìn dr Base Sycomore vu dr Nàzionààlversàmmlung (frànzeesch)

Dä Artikel basiert uff ere fräie Übersetzig vu dere Version vum Artikel „Marion_Maréchal“ vu de französische Wikipedia. E Liste vu de Autore un Versione isch do z finde.