Wiktionary

E Wiktionary, do au vor allem Wikiwörterbüech gnännt, isch e gmeinschaftligs Wikimedia-Projäkt für d Erstellig vo me mehrsprochige Wörterbüech, wo frei züegänglig, vollständig und mehrsprochig isch und e entsprächende Thesaurus in jeder Sproch hät. Wie au d Wikpedias werre d Wiktionarys ständig erwitert und verbessert. Jeder cha jederzit mitschaffe.

Wiktionary
URL	Wort:Houptsyte (Alemannisch Version) de.wiktionary.org (Dytschi Version) wiktionary.org (internationali Version)
Motto	alemannisch: „S Alemannisch Werterbuech“, dytsch: „ein Wiki-basiertes freies Wörterbuch“
Kommerziäll	Nein
Bschryybig	Wikiprojekt: frej Werterbuech in allene Sproche
Regischtrierig	optional
Sproche	172, dodrunter Dytsch, Franzesisch, Änglisch
Eigetimer	Wikimedia Foundation
Urheber	Wiktionary-Gmeinschaft
Erschine	12. Dezämber 2002

S Wiktionary isch de lexikalisch Partner vo de Wikipedia. Wie s au vyli Wikpedias in underschydlige Sproche git, eso git s au Wiktionarys in verschydene Sproche.

S Alemannisch Wiktionary isch am 29. Dezämber 2004 gründet wore un im April 2008 noch eme Bschluss vo de Alemannische Gmeinschaft mit dr Alemannische Wikipedia, em Wikiquote, em Wikibooks un em Wikisource verschmulze wore. Hite isch s Alemannisch Wiktionary as Alemannischs Werterbuech e eigene Namenruum innerhalb vo dr Alemannische Wikipedia.

S dütsch Wiktionary het als Zyl, dass de gsamt dütsch Wortschatz und sälle vo andere Sproche erfasst, behandelt und dargstellt wird. Säll gilt au für Främdsproche. Paraläll dezüe git s Wiktionary-Projäkt in anderi Wiktionary-Projäkt in andere Främdsproche, wo säll in ähnliger Art und Wis handhabe. Am Bispyl vom Wort Wiktionary sälber soll des veraschauligt werre:

• im dütsche Projäkt: Wiktionary
• im änglische Projäkt: Wiktionary
• im französische Projäkt: Wiktionary
• im spanische Projäkt: Wiktionary
• im holländische Projäkt: Wiktionary

S Wort Wiktionary isch e Mischig uss em Namme vo de Software wo s verwändet (Wiki) und em änglische Wort dictionary (= Wörterbüech)

Di änglischi Version isch als erschts Wiktionary am 12. Dezämber 2002 agfange worre. Di dütschi Version isch am 1. Mai 2004 gstartet.