Raphael Golta

Dr Raphael Golta hät zwüschet 1988 und 1994 d Kanti Hohe Promenade i Züri mit Typus B bsuecht. Er isch denn nachher vo 1995 bis 1997 a d Uni Züri und hät Wirtschatswüsseschafte studiert. Er hät dänn s Studium gwechslet und hät Publizistikwüsseschaft, Informatik und VWL witerstudiert. 2002 isch er fertig worde und het mit em Liz abgschlosse.^[1]

Nach em Studium hät er foif Johr im Institut für Publizistikwüsseschaft und Medieforschig a dr Uni Züri (IPMZ) i de Abteilig für Medieökonomii und Mediemanagement gschaffet. 2004 isch er Teilhaber und Gschäftsfüerer vo de presstrends GmbH worde. Vo 2009 bis 2013 isch er Account Manager bi MCI Zürich gsi. Sit 2012 isch er Softwareentwickler bi de Fabware GmbH im Technopark Züri.^[1]

1994 isch er i de Vorstand vo dr SP Züri Sektion vom Kreis 7 gwählt und 1998 Co-Präsidänt worde. 2001 hät er de Vorstand vo de Sektion verloh. Vo 1998 bis 2004 isch er im Vorstand vo de SP Stadt Züri gsi. Im Mai 2003 isch er Kantonsrat vo Züri worde und isch dete i de Finanz- und Wirtschaftskommission tätig gsi. Sit 2010 isch er im Vorstand vo de SP vom Kanton Züri.^[1]

Sit 2014 isch er jetzt Stadtroot vo Züri.^[2]

• Eigeni Websyte

1. ↑ ^{1,0 1,1 1,2 1,3} Lebenslauf uf golta.ch. Abgruefe am 10. Februar 2014
2. ↑ NZZ: Zürcher Wahlen. Alle Ergebnisse im Überblick. Abgrüefe am 10. Februar 2014