Radio SRF Virus

Dä Artikel beschäftigt sich mit em Radio SRF Virus, anderi Bedütige vum Begriff Virus lueg bi Virus

S Radio SRF Virus isch e Programm vom Schwiizer Radio SRF, wo speziell jungi Höhrer – d «Zylgruppe 12- bis 24-Jöhrigi» – söll aaspräche.

Ursprünglig hätt’s sölle DRS 4 heisse, hät dänn aber de Name DRS Virus übercho und heisst sit Mitte Dezember 2012 Radio SRF Virus. Wil er nit über UKW kha empfange wärde, kämpft dr Sänder syt dr Gründig im 1999 mit schwache Quote. Allerdings könnt sich das no ändere, wil me jetzt dr Sänder au über Kabel, Satellit und DAB (Digital Audio Broadcasting) loose kha. Über s Internet existiere au zwei mp3-Stream mit 64 k und 128 k.

S Virus isch zerscht z Basel stationiert gsi und het im Augschte 2009 uf Züri is Radiostudio züglet.

Dr Sänder bringt aktuelli Musig mit Titel vo Rock, Rap, Electro, Hip-Hop und Rhythm and Blues.

Nöierdings tuet sech dr Sänder au uf andere Wääg a s Publikum richte, öppen im Internet und über die soziale Meedie: es söll en Ufftritt gäh, wo vo dr DRS-Online-Redaktion in Bärn unabhängig isch, es wird e Playlischte mit Vorhör- und Ratingfunktione, Downloads und Fotene gäh.

Anne 2007 und nomol 2009 het me s Virus als «Radio of the year» vo dr Schwiiz uszeichnet.