St. Kitts und Nevis
St. Kitts und Nevis (änglisch Saint Kitts and Nevis, au Saint Christopher und Nevis[3]) isch e föderali Inselgruppe in de Chliinen Antille in dr Karibik. Si isch en unabhängige Staat im Commonwealth of Nations und Mitgliid vo de Vereinte Natione.
| Federation of Saint Kitts and Nevis Föderation St. Kitts und Nevis | |||||
| |||||
| Wahlspruch: Country Above Self | |||||
| Amtsspraach | Änglisch | ||||
| Hauptstadt | Basseterre | ||||
| Staatsoberhaupt | König Charles III. verdräte dur e Gouverneur Samuel Weymouth Tapley Seaton | ||||
| Regierigschef | Terrance Drew | ||||
| Flächi | St. Kitts 176 km²; Nevis 93 km² zusammen 269 km² | ||||
| Iiwohnerzahl | 49.898 (Stand 2010) | ||||
| Bevölkerigsdichti | 185,5 Iiwohner pro km² | ||||
| Bruttoinlandsprodukt nominal (2007)[1] | 527 Mio. US$ (171.) | ||||
| Bruttoinlandsprodukt pro Iiwohner | 10.143 US$ (51.) | ||||
| Human Development Index | 0,838 (62.)[2] | ||||
| Währig | 1 Ostkaribische Dollar = 100 Cents | ||||
| Unabhängigkeit | 19. September 1983 | ||||
| Nationalhimne | Oh Land of Beauty | ||||
| Nationalfiirtig | 19. September (Unabhängigkeitstag) | ||||
| Zitzone | UTC −4 Stunde | ||||
| Kfz-Kennzeiche | KNA | ||||
| Internet-TLD | .kn | ||||
| Vorwahl | +1 (869) lueg NANP | ||||
 | |||||
Geographii
ändereÖstlig vo de Insle befindet sich dr Inselstaat Antigua und Barbuda, südöstlig d Insle Montserrat, im Nordweste Sint Eustatius und im Norde Saint-Barthélemy.
D Insle St. Kitts bestoht us drei Vulkangruppe, wo dur diefi Schluchte drennt si. Dr höchsti Bärg vo St. Kitts isch dr 1'156 m hochi Mount Liamuiga, früehner Mount Misery. D Hauptstadt isch Basseterre.
D Insle Nevis isch dur e 3 km breite Kanal vo St. Kitts drennt. Die höchsti Erhebig isch dr Nevis Peak mit 985 m. In dr Meerängi zwüsche beiden Insle lit s Booby Island.
Uf de beiden Insle läben öbbe 46'000 Mensche, do drvo öbbe 13'000 in dr Hauptstadt Basseterre. As zweitgrössti Stadt het Charlestown grad emol 1'700 Iiwohner.
Klima
ändereS Klima isch dropisch heiss, wird aber vo Passatwind gmilderet. D Drochezit duurt vo Januar bis April. Im Summer und am Johresändi rägnets meh und d Mängi isch je noch Höchelag verschiide. Im Johr rägnet s öbbe 125-200 mm, d Haupträgezit isch vo Mai bis Oktober. Wirbelstürm chönne zwüschen August und Oktober ufdräte.
Fuessnote
ändere- ↑ International Monetary Fund, World Economic Outlook Database, April 2008
- ↑ Human Development Index
- ↑ Federation of Saint Kitts and Nevis Constitutional Order of 1983
Koordinate: 17° N, 63° W