Nordsee

D Nordsee isch e Meer zwische de Britische Insle, de Skandinavische Halbinsle un Feschtlandeuropa un isch e Nebemeer vum Atlantische Ozean.

Mit ere durschnittliche Diefi vu eppe 60m isch d Nordsee ä Flachmeer un ghört geologisch zum Kontinentalschelf, isch also kontinentali un kai ozeanischi Erdkruste.

Wie bi viile Schelfmeere hets au in de Nordsee ergiibigi Erdölfelder.

D'Nordsee isch e geologisch extrem jungs Meer. In de ledschte Iiszitt isch si im Norde vume kilometerhoche Iispanzer bedeckt gsi. An dem sinem Südrand isch ä große Süesswassersee gläge.

De größt Dail vum südliche Dail isch aber Festland un e iiszittlichi Tundra gsi. Yber de hüttig Ärmelkanal het des domolig Feschtland in de Atlantik entwässeret.

Nooch em End vu de Iiszitt isch noochem Daue vum Iis dr Meeresspiegel in mehrere Etappe um eppe 120 Meter gstiige un het no vor etwa 12000-6000 Johre d'Nordsee bildet.