Churpfalz
D Churpfalz isch e Region im nordweschtliche Bade-Württeberg und hischtorisch gseh e Deil vomene ehemolige Churfürschtetum.
Begriff
ändereDe Begriff Churpfalz bedütet Wahlpfalz und isch en Hiiwiis druf, dass d Herrscher vo de Churpfalz Churfürschte si gsi. Des heisst si hei zu de Ziit vom Heilige Römische Riich s Rächt gha, zämme mit de andere Churfürschte de König z wähle. Di offizielli Bezeichnig vom Fürschtetum isch Rhiinischi Pfalzgrafschaft (Rheinische Pfalzgrafschaft) reschpektiv Pfalzgrafschaft bei Rhein gsi.
Hüt wird de Begriff Churpfalz für de rächtsrhiinisch Deil vom früenerige Churfürschtetum bbruucht, also d Region um Mannheim und Heidelberg, de südlich Odewald und en Deil vom Kraichgau. Nöd alli Gebiet, wo me hüt zu de Region Churpfalz zellt, hei wirklich zu de Churpfalz ghört und au nöd alli Ort, wo zu de Churpfalz ghört hei, zählt me hüt zu de Region.
Gschicht
ändereD Churpfalz hät sich im 13. Jorhundert usebbildet und isch bis ins 1803 es Territorium rächts und links vom Rhii gsi. D Residenzschtadt isch z erscht Heidelberg gsi, schpöter Mannheim. Syt 1798/1816 isch si i zwei Deil drännt worde: Em linksrhiinische seit mer hüt «Pfalz», em rächtsrhiinische «Kurpfalz».