Dr Kanal vo Korinth
Dr Kanal vo Korinth (gr. Διώρυγα της Κορίνθου) isch ä künschdlige Wasserwäg dur ä Isthmus vo Korinth, wo dr Saronisch Golf im Oschde mit em Golf vo Korinth im Weschde verbindet. Er isch 1893 baut worde und isch 6.300 m lang, ä Wiiti vo ä chlii meh as 20 m und het ä Diefi vo 8 Meter. Er isch zu siiner Ziit für d Häfe vo Isthmia am Saronische und Posidonia am Korinthische Golf vo groosser Bedütig gsi und für dr griechisch Handel vo Vordeil, wil er dr lang Umweg um d Halbinsle Peloponnes gschbart het. Hützudag isch er vor allem für Turischte intressant.
Gschicht
ändereScho im Altertum hai sich d Schiffer d Reis um dr Peloponnes umme welle schbare und ihri Schiff vo dr Ägäis überland zum Golf vo Korinth, wo mit em Ionische Meer verbunde isch, gschleppt. Es het denn au scho Blän ge für ä Kanal, aber nume dr römisch Kaiser Nero het wirklig agfange en z baue. Er isch aber scho churz noch em Grabigsafang gstürzt worre und dr Blan isch vu siim Noochfolger falle glo worde.
Quelle
ändere- Dr Artikel "Corinth Canal" in Encyclopædia Britannica. Ultimate Reference Suite. Chicago: Encyclopædia Britannica, 2008.
- Dr Artikel "Corinth, Gulf of" in Microsoft® Encarta® Encyclopedia 99. © 1993-1998 Microsoft Corporation. All rights reserved.