Evolène

Evolène
	Wappe vo Evolène
Basisdate
Staat:	Schwiiz
Kanton:	Wallis (VS)
Bezirk:	Ering
BFS-Nr.:	6083
Poschtleitzahl:	1983
UN/LOCODE:	CH ARL (Arolla)
Koordinate:	604357 / 106724Koordinate: 46° 6′ 43″ N, 7° 29′ 42″ O; CH1903: 604357 / 106724
Höchi:	1'371 m ü. M.
Flächi:	210.0 km²
Iiwohner:	1655 (31. Dezämber 2022)
Website:	www.commune-evolene.ch
	Evolène Evolène
Charte
	Charte vo Evolène

Evolène (öi Evolena, im frankoprovenzalischu Patois vam Taal: [(ew)ɔˈlɛ̃iŋna]) isch en Munizipaalgmei im Bizirk Ering im Kanton Wallis, Schwiz.

Dialäkt: Wallisertitsch

Geografii

Evolène liggut im oberu Teil vam Eringertaal. Dr heegscht Punkt isch ufum Gipfel vam Dent Blanche uf 4357 Meter uber Meer.

Zer Gmei gcheerunt di Deerfer Evolène, Lannaz, Les Haudères, La Sage/Villa, La Forclaz, Arolla und Ferpècle.

Gschicht

Di Gmei isch im Jaar 1882 entstannu, wa schi d ehemaalig Gmei Hérens in Evolène und Saint-Martin het üfgiteilt. Evolène isch zum eerschtu Mal im Jaar 1250 als Ewelina (1444 in loco de Evolena) erwäänts cho, Les Haudères um 1250 als Oudeire (um 1280 als Houdeyres).

Iwoner

Quälla: Bundesamt fer Statistik 2005^[2]

Jaar	1850	1860	1870	1880	1888	1900	1910	1920
Iwoner	1040	1057	1071	1145	1183	1208	1300	1244
Jaar	1930	1941	1950	1960	1970	1980	1990	2000
Iwoner	1193	1280	1315	1786	1403	1453	1465	1522

Dr Üsländerateil isch 2010 bi 8,1 % glägu.^[3]

Religioo

90,6 % vanu Iwoner sind im Jaar 2000 römisch-katholisch gsi, 2,6 % evangelisch-reformiert.^[3]

Politik

Di Ggmeipresidänti va Evolène isch d Virginie Gaspoz (Stand Oktoober 2017).

Spraach und Dialäkt

Bi dr Volchszellig 2000 heint vanu 1522 Iwoner 96,6 % Französisch als Höiptspraach agigä, 0,9 % Titsch, 0,5 % Italienisch und 2 % annri Spraache.^[3]

Dr tradizionell Dialäkt va Evolène gcheert zum Frankoprovenzalischu.

Lit

Gisèle Pannatier (* 1958), Spraachwissuschaftleri

Literatüür

Claude Bernhard: Evolène. Regard sur un paysage. Éditions Slatkine, Genève 2017. ISBN 978-2-8321-0829-1
Marie Follonier-Quinodoz: Olèïnna: dictionnaire du patois d’Évolène. 1989. Réédition 2004.
Bernard Monnet: Evolène In: Historisches Lexikon vo dr Schwiiz.
Danielle Allet-Zwissig: Arolla. In: Historisches Lexikon vo dr Schwiiz.
Bernard Monnet: Haudères, Les. In: Historisches Lexikon vo dr Schwiiz.