Evangelischi Chile
Di evangelisch Chile isch e Sammelbezeichnig für verschidnigi Chile, wo alli us de Reformation hervorgange sind. Si werde au als proteschtantischi Chile bezeichnet.
Gschicht vom Begriff
ändereDe Begriff Evangelisch beziiht sich uf s Evangelium vo Jesus Chrischtus und di viir Evangelie, wo im Noie Teschtament vom Läbe und Stärbe vo Jesus verzälled. De Bezug uf d Bible isch daderbi bewusst chilekritisch im Gegesatz zu de katholische Chile bruucht worde, wo bis in d Noiziit de Gläubige de Zuegang zu de Bible erschwert het. De dütsch Reformator Martin Luther het de Begriff für sini Aahänger verwendet, zumal er d Bezeichnig Lutheraner nöd het welle. Wo sich im Lauf vo de Reformetion di unterschidliche Konfessione usebilded hend, isch Evangelisch zu eme Oberbegriff für di lutherische und di reformiirte Chile worde, wo mit em Weschtfälische Fride durch s Corpus Evangelicorum zu eme Verfassigsbegriff worden isch. Hüt wird de Begriff Evangelisch au vo vilne Freichile bruucht, wo ja letschtendlich au in de Tradition vo de Reformation stönd.
Lehr
ändereGmeinsam sind de evangelische Chile di viir Soli vo de Reformation:
- Sola fide – allei durch de Glaube wird en Mönsch grechtfertiged, nöd durch gueti Werk
- Sola gratia – allei durch d Gnad vo Gott wird de Mönsch gretted, nöd durch sini Leischtige
- Solus Christus – allei Chrischtus, nöd d Chile, het d Autorität über di Gläubige
- Sola scriptura – allei d Schrift (gmeint isch d Bible) isch d Grundlag vom chrischtliche Glaube, nöd d Tradition vo de Chile
Evangelischi Chile
ändereZu de evangelische Chile zähled:
- di Lutherische Chile
- di Reformiirte Chile
- di Unirte Chile, wo s in ganz verschidnige Usprägige git
- di Methodistischi Chile
- di Evangelische Freichile
Eigeni Artikel i der alemannische Wikipedia händ die Landeschile:
- Reformiirti Landeschile Aargau
- Evangelischi Landeschile z Bade
- Evangelisch-reformiirti Chile vom Kanton Friburg
- Evangelisch-reformiirti Landeschile Graubünde
- Evangelisch-reformiirti Kantonalchile Schwyz
Lueg au: Landeschile, Reformiirti Landeschile i de Schwiiz, Schwiizerische Evangelische Chilebund
Weblink
ändereDütschland
ändere- de Evangelisch-methodistischi Chile
- di Evangelischi Chile z Dütschland
- di sälbständig Evangelisch-Lutherischi Chile
- typisch evangelisch Informazione und Hiwiis zum evangelische Glaube
- d Union vo de Evangelische Chile
- d Verainigung vo de Evangelische Freichile
Öschtriich
ändereSchwiz
ändere- di Evangelisch-reformierte Chile vo de Schwiz
- de Schwizerischi Evangelischi Chilebund
- d Freichile vo de Schwiz