[go: up one dir, main page]
Alemannische Wikipedia

Christeverfolgig

D Verfolgig vo Christe wägen iirem Glaube

As Christeverfolgig bezäichnet mä e süstematischi, gsellschaftligi oder staatligi Benoochdäiligung und existenzielli Bedroig vo Christe wäge irer Religion.

Christeverfolgig chann e Däil vo dr Religionspolitik vom ene Staat si, oder wenn d Christe e religiöösi Minderhäit si vo dr Minderhäitepolitik si. Vilmol isch si en Aspäkt vo ethnische oder soziale Komflikt.

Wie mä sich Christeverfolgige mäistens vorstellt: S letschte Gebät vo de Christe im Circus Maximus, Ölbild vom Jean-Léon Gérôme (1863–1883)

Noch Schetzige vo dr Internazionale Gsellschaft für Menscherächt, vom Internazionale Instidut für Religionsfreihäit, dr katholische Menscherächtsorganisazioon Kirche in Not und dr evangelikale Organisazioon Christian Solidarity International bekenne sich 75 bis 80 Brozänt vo de Lüt, wo zur Zit wägen iirem Glaube verfolgt wärde, zum Christedum.[1] Au Amnesty International brichdet über süstematischi Verfolgige vo ethnische und religiöse Minderhäite in verschiidene Länder, drunder vo Christe,[2] S christlige Hilfswärk Open Doors schetzt, ass öbbe 100 Millione Christe uf dr ganze Wält verfolgt oder diskriminiert wärde,[3] und beschribt d Situazioon in bsundrigs broblematische Länder ufgrund vo äigene Röschersche.[4] Noch sim Wältverfolgigsindex vo 2012 finde die sterkste Christeverfolgige in islamisch brägte Länder statt.[4] Im International Religious Freedom Report vom Ussenministerium vo de Veräinigte Staate wärde Verfolgige vo Christe erwäänt und im Executive Summary het s au Bricht über Länder mit bsundrige Broblem. Expärte, drunder Verdräter vo dr Dütsche Evangelische Allianz häi vor em Usschuss für Menscherächt und humanitäri Hilf bim Dütsche Bundesdaag festgstellt, ass es zwar kä süstematischi Verfolgig vo Christe im arabische Ruum gääb, aber der staatlig Schutz sig unggnüegend und die rächtligi Gliichstellig feeli.[5] Dr Bundesdaag isch denn aber doch zur Erkenntnis cho, ass d Verfolgig vo Christe vo alle Konfessione in de letschte Joor Usmääss aagnoo häig, wo Sorge wurd mache.[6]

Litratuur

ändere
  • Reinhard Backes: Sie werden euch hassen. Christenverfolgung heute. Sankt Ulrich, Augsburg 2005, ISBN 978-3-936484-58-8
  • Horst Balz, Gerhard Krause, Gerhard Müller, Siegfried M. Schwertner, Sven S Hartman, Horst Robert Balz, Gustaf Wingren: „Theologische Realenzyklopädie“, Walter de Gruyter, 1976, ISBN 3-11-008563-1, ISBN 978-3-11-008563-1, Stichwort Christenverfolgungen S. 23 ff.
  • Deutscher Bundestag – Literaturtipp: Zur Lage der christlichen Minderheiten weltweit (Memento vom 9. Juli 2007 im Internet Archive) (pdf; Stand: 21. Mai 2007; 118 kB)
  • Joachim Feyerabend: Wenn es lebensgefährlich ist, Christ zu sein. Kampf der Religionen und Kulturen, Olzog Verlag, Münche 2010, ISBN 978-3-7892-8355-0
  • Max Klingberg, Thomas Schirrmacher und Ron Kubsch (Hrsg.): Märtyrer 2011. Das Jahrbuch zur Christenverfolgung heute. Verlag f. Kultur u. Wissenschaft (VKW), Bonn 2011
  • Wladimir Kurojedow: Kirche und Religion in der UdSSR, Moskau 1977
  • Thomas Schirrmacher: Christenverfolgung heute. SCM Hänssler, Holzgerlingen 2011, ISBN 978-3-7751-4908-2
  • Eugen Sorg: Die Letzten. Kann es sein, dass im Heiligen Land, der Wiege des Christentums, bald keine Christen mehr leben? Zürich Tamedia, Das Magazin vom 20. Dezember 2014, Seiten 12-25
  • Bat Ye’or: Der Niedergang des orientalischen Christentums unter dem Islam. 7.-20. Jahrhundert. Zwischen Dschihad und Dhimmitude. Resch, Gräfeling, 2002. ISBN 3-935197-19-5

Weblingg

ändere
  Commons: Christian martyrs – Sammlig vo Multimediadateie

zu aktuelle Christeverfolgige:

zu historische Christeverfolgige:

Fuessnoote

ändere
  1. ↑ Bundestagsdrucksache 16/3608 (Aadrag) vom 29. Novämber 2006 (pdf; 175 kB) (Memento vom 31. Jänner 2012 im Internet Archive); DiePresse.com: Christentum meistverfolgte Religion weltweit (22. Dezämber 2008) (Site cha nüme abgrüeft wärde; Suche im Webarchiv)[1] [2] Vorlage:Toter Link/diepresse.com
  2. ↑ Amnesty International: Persecution of Christians Archivlink (Memento vom 4. Mai 2011 im Internet Archive); Amnesty International: Glauben ist ein Menschenrecht, abgrüeft am 20. Mai 2012 Archivlink (Memento vom 4. März 2016 im Internet Archive)
  3. ↑ Open Doors: Definition von Verfolgung Archivlink (Memento vom 2. Oktober 2011 im Internet Archive)
  4. ↑ 4,0 4,1 Open Doors: Weltverfolgungsindex 2012 Archivlink (Memento vom 13. Juli 2012 im Internet Archive) (PDF; 1,0 MB). Schätzig vo 100 Mio. Verfolgte uf S. 2.
  5. ↑ Bundestag: Minderheiten werden nicht systematisch verfolgt. Archiviert vom Original am 24. September 2015; abgruefen am 19. Oktober 2015.
  6. ↑ Bundestag: Verfolgung von Christen in aller Welt. Archiviert vom Original am 4. März 2016; abgruefen am 19. Oktober 2015.
  Dä Artikel basiert uff ere fräie Übersetzig vum Artikel „Christenverfolgung“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Christenverfolgung&oldid=947011"