1848

◄ | 18. Jahrhundert | 19. Jahrhundert | 20. Jahrhundert | ►
◄◄ | ◄ | 1844 | 1845 | 1846 | 1847 | 1848 | 1849 | 1850 | 1851 | 1852 | ► | ►►

1848
D Nationalversammlig in dr Paulschilche z Frankfurt am Main.

1848 in andere Kaländer
Ab urbe condita	2601
Armenische Kaländer	1296–1297
Ethiopische Kaländer	1840–1841
Buddhistische Kaländer	2392
Chinesische Kaländer
– Ära	4544–4545 oder 4484–4485
– 60-Joor-Ziklus	Füür-Schof (丁未, 44)– Erd-Aff (戊申, 45)
Hebräische Kaländer	5608–5609
Islamische Kaländer	1264–1265
Thai-Solar-Kaländer	2391

Was isch bassiert?

21. Februar: Dr Karl Marx un dr Friedrich Engels vereffetlige s Kommunistisch Manifescht.
27. Februar: Dr Funke vu dr franzesische Februarrevolution gumpt iber uf s Großherzogtum Baden un lest di Badisch Revolution uus: Uf dr Mannemer Volksversammlig wird e Petition mit vier Forderige an d Regierig bschlosse.
15. Merz: D Merzrevolution z Eschtrych gryft au uf Ungarn iber. Mir dr Forderig vu dr 12 Pink (ungar. 12 pont) z Budapest fangt di Ungarisch Revolution vu 1848/49 aa.
12. April: Dr Heckerufstand im Großherzogtum Bade fangt mit ere vum Friedrich Hecker un em Gustav von Struve initiierte Volksversammlig im Stadthuus vu Konschtanz aa. D Radikaldemokrate cheme aber bim Volk kai Zuestimmig iber fir di Badisch Revolution.
13. April: Unter dr Fierig vum Friedrich Hecker mache sich Badischi Revolutionär gege dr Widerstand vum Konschtanzer Burgermaischter Karl Hüetlin uf dr Wäg uf Charlsrue. Dr Heckerzug het s Ziil, d Ideä vur Märzrevolution im Großherzogtum Bade durezsetze.
20. April: Dr radikaldemokratisch Heckerzug wird vu badische Druppe unter em Friedrich von Gagern gstellt un im Gfächt uf dr Scheideck im Schwarzwald ufgribe. Dr Friedrich Hecker flichtet ins Exil in d Schwyz.
25. April: Dr Andrew Graham entdeckt dr Aschteroid (9) Metis.
27. April: Di Badisch Revolution im Ramme vu dr Märzrevolution schyteret: Im Gfächt bi Dossebach unterlyt di Dytsch Demokratisch Legion unter dr Fierig vum revolutionäre Dichter Georg Herwegh dr konterrevolutionäre Druppe vu Wirttebärg.
18. Mai: S erscht gsamtdytsch Barlemänt, d Frankfurter Nationalversammlig, wird in dr Paulschilche ufgmacht.
12. Septämber: Mit dr Aanahm vu dr Bundesverfassig dur d Bärner Tagsatzig konschtituiert sich d Schwyz as Bundesstaat.
21. Septämber: Dr Gustav Struve un syy Frau Amalie, wu scho bim Heckerufstand im März mitgmacht hän, riefe im Rothus vu Löörech di Dytsch Republik uus. Au dää Aasatz zuen ere Badische Revolution wird noch e baar Däg nidergschlaa.
1. bis 27. Oktober: Nationalrots- un Ständerotswahle in dr Schwyz.
6. Novämber: In dr Schwyz chunnt di erscht Bundesversammlig zämme un wehlt dr erscht Bundesrot.
16. Novämber: Dr Jonas Furrer vo Winterthur wird dr erscht Bundespresidänt vu dr Schwyz.
27. Novämber: In dr Hauptstadtfrog vu dr Schwyz ainige sich di aidgnessische Ret uf d Abschaffig vum Rotationsprinzip vu dr Vorort. Zur Wahl fir d Schwyzer Bundesstadt stelle sich am nechschte Dag d Stedt Bärn, Lozärn un Züri.
28. Novämber: Bärn gwinnt d Abstimmig zue dr Hauptstadtfrog vu dr Schwyz in dr Bundesversammlig gege Züri un Lozärn un wird dodermit zur Schwyzer Bundesstadt.
10. Dezämber: No dr Februarrevolution wird dr Louis Napoléon Bonaparte, e Neffe vum Napoléon I., zum Staatsbresidänt vu Frankrych gwehlt.

uf d Wält chuu

6. Jänner: Louis Ruffieux, Schwyzer Naturforscher und Archivar
16. Februar: Octave Mirbeau, franzesische Schriftsteller
4. April: Jules Meininger, elsässische Dichter
5. April: Ulrich Wille, Schwyzer General
15. April: Richard Kissling, Schwyzer Bildhauer
24. Mai: Georg Rheineck, dytsche Bildhauer
7. Juni: Paul Gauguin, franzesische Moler
20. Septämber: Gustav Adolf Seiler, Schwyzer Lehrer un Sprochwisseschaftler
12. Novämber: Eduard Müller, Schwyzer Bolitker un Bundesrot
25. Novämber: William H. Crain, US-amerikanische Bolitiker

gstorbe

8. April: Gaetano Donizetti, en italiänische Operekomponist
12. Augschte: George Stephenson, änglische Yysebahningenieur

Weblink

Commons: 1848 – Sammlig vo Multimediadateie