Mamba
Mambas (Dendroaspis) is 'n genus van slange wat aan die familie van koraalslangagtiges (Elapidae) behoort. Daar is vier lewende spesies wat in die tropiese klimaat van Afrika voorkom.[2] Hulle is almal uiters giftig en kan besonder vinnig beweeg, derhalwe word mambas as die gevaarlikste slange in Afrika beskou.[3]
| Dendroaspis | |
|---|---|
| |
| 'n Swartmamba | |
| Wetenskaplike klassifikasie | |
| Koninkryk: | |
| Filum: | |
| Subfilum: | |
| Klas: | |
| Orde: | |
| Suborde: | |
| Familie: | |
| Genus: | Dendroaspis |
| Spesies | |
Mambas (genus Dendroaspis) is uiters giftige slange wat net in Afrika voorkom. Die bekendste verteenwoordigers is die swartmamba en die groenmamba. Eersgenoemde kan langer as 4 m word en is so giftig dat 'n mens binne enkele minute na 'n byt kan sterf as serum nie onmiddellik toegedien word nie. Die groenmamba is minder aggressief as die swartmamba en sy gif is aansienlik swakker. Wanneer mambas aanval, rig hulle die voorste deel van die liggaam op en verbreed die nekvel.
Algemeen
wysigMambas is lang, relatief dun verteenwoordigers van die uiters giftige slangfamilie Elapidae. Die 4 spesies behoort almal tot die genus Dendroaspis en kom net in die tropiese en subtropiese streke van Afrika voor. Mambagif is neurotoksies, dit wil sê dit tas die senuweestelsel aan, en die dood kan binne enkele minute na 'n byt intree. Voor in die bokaak is een paar groot, hol giftande, en voor in die onderkaak kom een paar verlengde, soliede tande voor, gevolg deur 'n aantal kleiner tande.
Net soos kobras kan mambas die voorste deel van die liggaam oplig en dit "bak" maak deur die nekvel sywaarts uit te stoot. 'n Mamba se bak is egter aansienlik smaller as dié van 'n kobra. Die skubbe wat mambas se liggame bedek, is smal en glad[lower-alpha 1] en baie skuins gerangskik. Die skubbe het geen holtes aan die punte nie. In Suider-Afrika word 2 spesies aangetref, naamlik die swartmamba (Dendroaspis polylepis) en die groenmamba (Dendroaspis angusticeps).
Spesies
wysigDaar is vier lewende spesies van mambas, waarvan drie spesies groenerig is en een spesie grys en swart gekleurd is. Die benaming "swart" verwys hier na die kleur van die mond en nie na die bruin of grys liggaam nie:
- Groenmamba (Dendroaspis angusticeps)
- Jamesonse mamba (Dendroaspis jamesoni)
- Swartmamba (Dendroaspis polylepis)
- Westelike groenmamba (Dendroaspis viridis)
Sien ook
wysigNotas
wysig- ↑ Soos dié van kobras. Etlike adders, die rinkhals en boomslang het 'n langskeepse kiel oor die lyfskubbe.
Verwysings
wysig- ↑ "Dendroaspis". Integrated Taxonomic Information System. Besoek op 30 Oktober 2012.
- ↑ Peter Uetz & Jakob Hallermann. "The Reptile Database - Dendroaspis".
- ↑ "National Geographic (Black Mamba, Dendroaspis polylepis)". National Geographic Society. Geargiveer vanaf die oorspronklike op 24 Mei 2017. Besoek op 5 Julie 2013.
African myths exaggerate their capabilities to legendary proportions; Black mambas are shy and will almost always seek to escape when confronted.
Bronnelys
wysig- Wêreldspektrum, 1982, ISBN 0908409591, volume 18, bl. 27
Eksterne skakels
wysigWikimedia Commons het meer media in die kategorie Mamba.