Tsjegge

Hierdie artikel handel oor die etniese groep. Vir die taal, sien Tsjeggies.

Die Tsjegge (Tsjeggies: Češi, [ˈtʃɛʃɪ], manlike enkelvoud: Čech, vroulike enkelvoud: Češka) is 'n Slawiese nasie en etniese groep inheems aan Tsjeggië wat Tsjeggies, 'n Wes-Slawiese taal, as moedertaal praat. Hulle vorm die titulêre nasie van Tsjeggië en maak volgens die laaste sensus van 2011 omtrent 64% van dié land se bevolking uit.

Tsjegge
Totale bevolking:	ca. 10–12 miljoen
Belangrike bevolkings  in:	Tsjeggië 6,7–9,2 miljoen[1]  Verenigde State ~1,5 miljoen[2]  Kanada 94 805[3]  Duitsland 60 000  Argentinië 45 000  Verenigde Koninkryk 45 000[4]  Oostenryk 40 324[5]  Italië 40 000  Frankryk 38 000  Slowakye 30 367  Australië 21 196  Chili 20 000  Oekraïne 11 000  Kroasië 9 641  Chili 8 600  Israel 8 000  Swede 7 175  Ierland 5 451[6]  Spanje 5 622  Rusland 5 000–6 000  Brasilië 5 000  Nederland 3 500  Roemenië 3 339  Pole 3 000  Suid-Afrika 2 300  Meksiko 2 000  Serwië 1 824[7]  Colombia 1 200  Kasakstan 1 000[8]  Bosnië en Herzegowina 600–1 000[9]  Bulgarye 436
Taal:	Tsjeggies
Geloofsoortuiging:	Hoofsaaklik ongebonde (Ateïsme, Agnostisisme, Deïsme) of Rooms-Katolieke Kerk, Lutheranisme
Verwante etniese groepe:	Ander Wes-Slawiese volke soos Pole, Slowake en Sorbe[10]

Wêreldwyd leef tussen 10 en 12 miljoen Tsjegge, waarvan tussen 6,7 en 9,2 miljoen in Tsjeggië en 1,5 miljoen in die Verenigde State. Naas Tsjegge leef nog minderhede soos Morawiërs (4,9%) en Slowake (1,4%) in Tsjeggië.

Volgens 'n gewilde mite is die Tsjegge afstammelinge van die stamvader Tsjech wat saam met Ljech en Roes as mitiese stigters van die drie Slawiese nasies Pole, Rusland en Tsjeggië beskou word.