Oklahoma City
Oklahoma City is die hoofstad en grootste stad van die staat Oklahoma, wat 'n deelstaat van die Verenigde State van Amerika is. Dit is die elfde grootste stad in die Suidelike Verenigde State. Die bevolking het ná die 2010-sensus gegroei en in die 2020-sensus 681 054 bereik, met 'n bevolking van 1 396 445 in die Oklahoma City-metropolitaanse gebied. Die stad is die agtste grootste in die Verenigde State volgens area.
|
Oklahoma City | |
|---|---|
| Kaart | Wapen |
 | |
 | |
| Vlag | |
 | |
| Land |  Verenigde State
|
| Deelstaat |  Oklahoma
|
| Koördinate | 35°28′N 97°31′W / 35.467°N 97.517°W |
| Geïnkorporeer op | 1835 |
| Oppervlakte: | |
| - Totaal | 1 608 vk km |
| Hoogte bo seevlak | 396 m |
| Bevolking: | |
| - Totaal (2010) | 579 999 |
| - Bevolkingsdigtheid | 336/vk km |
| - Metropolitaanse gebied | 1 266 445 |
| Tydsone | UTC-5 | Somertyd: UTC-4 |
| Burgemeester | Mick Cornett (R) |
| Amptelike Webwerf | Oklahoma City website |
Ekonomie
wysigOklahoma City het een van die wêreld se grootste veemarkte. Ruolie en aardgas word hier aangetref. Petroleumprodukte en verwante bedrywe het hieruit ontstaan. Die stad is in die middel van 'n aktiewe olieveld geleë. Die federale regering het 'n groot aantal werknemers in diens by die Tinker Lugmagbasis. Vliegtuie, vliegtuigonderdele en ook elektroniese toerusting word hier vervaardig.
Ligging
wysigDie stad is op die oewers van die Noord-Kanadarivier geleë.[1][2]
Oklahoma City is een van die primêre reisdeurgange suid na die naburige Texas en Meksiko, en noord na Wichita en Kansas City. Die stad se noordoostelike gedeelte lê in 'n ekologiese streek bekend as die Cross Timbers.
Die stad is tydens die Land Run van 1889 gestig en het binne enkele ure na sy stigting tot 'n bevolking van meer as 10 000 gegroei.
Sedert weerrekords vanaf 1890 gehou is, is Oklahoma City reeds deur 13 gewelddadige tornado's getref.
Geskiedenis
wysigDie President van die Verenigde State van Amerika het op 22 April 1889 om 12:00 die middag 'n proklamasie uitgevaardig wat blankes toegelaat het om hulle in die nedersetting te vestig. Teen middernag was daar reeds 10 000 persone gevestig. Die stad het stadstatus verkry in 1890 en het in 1910 die hoofstad van die deelstaat geword.
In 1961 was dit die grootste stad in die VSA in terme van oppervlakte; dit het oor 650 vierkante myl grond beskik. In Desember 1928 is daar ru-olie by die stad ontdek, wat sy groei versnel het.
'n Bomaanval op 19 April 1995 op die Alfred P. Murrah Federale Gebou, waarin 168 mense gesterf het, was die dodelikste terreuraanval in die geskiedenis van die VSA tot die aanvalle van 11 September 2001, en die dodelikste daad van binnelandse terrorisme in die Amerikaanse geskiedenis.
Verwysings
wysig- ↑ (en) "Stockyards City | Oklahoma City Districts". Visitokc.com.
- ↑ (en) "Tornadoes Which Have Occurred in the Oklahoma City, Oklahoma Area Since 1890". National Weather Service Norman Oklahoma. Geargiveer vanaf die oorspronklike op 17 Februarie 2017. Besoek op 8 Desember 2015.
Bron
wysig- Collier's Encyclopedia, Crowell-Collier Educational Corporation, Volume 18, Bladsy 112.
| Hoofstede van die Verenigde State | ||||
|---|---|---|---|---|
| ||||