Moslem

'n Moslem of Moesliem (Arabies: مُسلِم) is 'n aanhanger van die Islam-geloof. Die aanduiding kom van die Arabiese woord 'muslim' (مسلم), wat 'iemand wat homself oorgee (aan Allah)' beteken. Die wêreld tel 1,62 miljard Moslems (2009), oftewel 23 persent van die wêreldbevolking en daarmee die tweede belangrikste religie ná die Christendom.^[29][30] 80 tot 90 persent van die Moslems is Soenniete en 10 tot 20 persent Sjiïete. Die Islam is die belangrikste religie in die Midde-Ooste, in die Sahel, aan die Horing van Afrika en in Noord-Afrika.^{[31][32][33][34]} Afrika is die enigste kontinent met 'n Moslemse meerderheid (52,39%).^[35] China, die Balkan en Rusland het ook groot persentasies aan Moslembevolking.^[31][36] In Wes-Europa is die Islam die tweede belangrikste godsdiens ná die Christendom met 6 % van die totale bevolking.

Moslems
Moslems in hul tradisionele drag vier Eid-oel-Adha
Totale bevolking:	ca. 1,8 miljard (2015)[1][2][3]
Belangrike bevolkings  in:	Indonesië 227 226 404[4]  Pakistan 197 547 566[5]  Indië 189 000 000[6]  Bangladesj 148 607 000[7]  Nigerië 95 316 131[8]  Egipte 87 336 965[9]  Iran 81 529 435[10]  Turkye 80 683 525[11]  Volksrepubliek China 50 000 000[12]  Algerië 40 559 749[13]  Irak 38 800 190[14]  Ethiopië 35 713 657[15]  Afghanistan 34 022 437[16]  Marokko 33 646 788[17]  Soedan 30 490 000[2]  Jemen 27 784 498[18]  Saoedi-Arabië 27 143 182[19]  Oesbekistan 26 550 000[2]  Maleisië 19 237 161[20]  Sirië 18 930 000[2] Res van die wêreld 287 230 000[2]
Taal:	Oorwegend gesproke tale:[21] Arabies • Bengaals • Hindi • Oerdoe • Pandjabi • Turks • Javaans • Hausa • Indonesies • Maleis • Fula • Persies • Soendanees • ander inheemse tale van die wêreld Heilige tale:[22]Arabies
Geloofsoortuiging:	Islam: 65–75% Soennitiese Islam[23] 10–13% Sjia-Islam[23] 15–20% nie-denominasionele Islam[24] ~1% Ahmadiyya[25][26][27][28] ~1% Ander Islamitiese tradisies, o.a. Ibadi[24]
Verwante etniese groepe:

Die grootste Moslemland is Indonesië met 12,7 %, gevolg deur Pakistan (11,0 %), Indië (10,9 %) en Bangladesj (9,2 %).^[31][37] Sowat 20 % van alle Moslems woon in Arabiese lande.^[38] In die Midde-Ooste is Turkye en Iran die twee nie-Arabiese lande met die grootste Moslembevolking en in Afrika is Egipte en Nigerië die twee lande met die hoogste Moslembevolking.^[31][37]