Lance Stroll

Stroll is die seun van die Kanadese miljardêr sakeman Lawrence Stroll en Belgiese mode-ontwerper Claire-Anne Callens.^[3]

Soos baie jong renjaers, het die Genève-gebaseerde Kanadees sy motorsportloopbaan in karting begin en talle ren- en kampioenskapwenne in sy geboorteland, Kanada en Noord-Amerika behaal.

In 2016 het Stroll die Ferrari Bestuurdersakademie verlaat en 'n toetsbestuurder vir die Williams Formule 1-span geword. In 2017 het hy sy Formule 1-rendebuut vir hierdie span gemaak^[4] langs Felipe Massa.^[5] Sy eerste punte in Formule 1 was by sy tuisren in Kanada, met 'n negende plek. Stroll kon derde eindig by die Azerbeidjanse Grand Prix en het sodoende sy eerste podiumplek behaal. Dit het hom die tweede jongste jaer ooit gemaak om 'n podium te behaal en die jongste wat dit in sy debuutseisoen kon behaal. Stroll het 'n gemengde eerste seisoen in Formule 1 gehad en is aan die begin van die seisoen hewig gekritiseer. Op die ou end het hy 40 punte behaal, wat hom in die twaalfde plek op die rangleer geplaas het.

Stroll bly steeds by Williams in 2018, maar die uitgetrede Massa word deur Sergej Sirotkin vervang. Die Williams was nie ’n goeie motor nie en albei jaers het gesukkel om goeie resultate te kry. Stroll kon net twee keer daarin geslaag om punte aan te teken, en het agtste geëindig in Azerbeidjan en negende in Italië. Met ses punte het hy agtiende in die kampioenskap geëindig en net voor spanmaat Sirotkin en Toro Rosso jaer Brendon Hartley in die finale puntestand.

In 2019 sluit Stroll by die Racing Point-span aan nadat 'n konsortium sakemanne onder leiding van sy pa Lawrence die sukkelende span in die somer van 2018 oorgeneem het. Hy was die plaasvervanger vir Esteban Ocon en die spanmaat van Sergio Pérez gewees.^[6]

Stroll jaag sedert 2020 onder 'n Amerikaanse lisensie nadat Kanada se nasionale sportowerheid hul lidmaatskap van die FIA ​​opgegee het. Stroll sal egter steeds tydens enige amptelike erkenning en tydens rennaweke as 'n Kanadees aangedui word.^[7]

Tydens die 2020 Turkse Grand Prix het Lance Stroll sy eerste voorwegsprongplek ingeneem. By die Monza Grand Prix slaag hy daarin om derde te eindig. In 2020 het hy 11de in die renjaerskampioenskap geëindig, en 75 van die span se 210 punte aangeteken.^{[lower-alpha 1]}

Sedert 2021 jaag Stroll vir Aston Martin F1, die opvolger van Racing Point F1-span.

Nota

* Seisoen nog aan die gang.
^† Jaer kon nie die ren voltooi nie, maar is geklassifiseer omrede hy meer as 90% van die wedrenafstand afgelê het.
‡ Halwe punte is in België toegeken in 2021 omdat daar minder as 75% van die wedren afgelê is weens hewige reën.