Johann Baptist Cysat

Johann Baptist Cysat (Frans: Jean-Baptiste Cysat) (omstreeks 1587 – 17 Maart 1657), ook bekend as Cysatus, was ’n Switserse Jesuïete-wiskundige en sterrekundige na wie die maankrater Cysatus genoem is. Hy was een van die eerste mense wat die teleskoop gebruik het.

Johann Baptist Cysat
Geboortenaam	Jean-Baptiste Cysat
Gebore	ca. 1587 Luzern, Switserland
Oorlede	17 Maart 1657 Luzern, Switserland
Nasionaliteit	Switserland
Vakgebied	Sterrekunde, Wiskunde
Instelling(s)	Universiteit van Ingolstadt
Bekend vir	Orion-newel, Werk oor komete

Cysat se belangrikste werk was oor komete. Hy het die komeet van 1618 waargeneem en die volgende jaar ’n monografie daaroor geskryf. Sy waarnemings oor komete was so akkuraat dat hy in 1804 nog as een van die beste kenners daaroor beskou is.