Hadrosauridae

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Hadrosauridae, of eendbek-dinosourusse, is lede van die Ornithischia-familie dinosourusse. Hulle was algemene plantvreters van die Laat Kryt in wat nou Asië, Europa en Noord-Amerika is.

Hadrosauridae Tydperk: Laat Kryt 83.5–65.5 m. jaar gelede PreЄ Є O S D C P T J K Pg N
’n Skelet van Parasaurolophus cyrtocristatus (Field Museum of Natural History).
Wetenskaplike klassifikasie
Koninkryk:	Animalia
Filum:	Chordata
Klas:	Reptilia
Superorde:	Dinosauria
Orde:	Ornithischia
Suborde:	Ornithopoda
Superfamilie:	Hadrosauroidea (Sereno, 1986)
Familie:	Hadrosauridae (Cope, 1869)
Subgroepe
†Hadrosaurinae †Lambeosaurinae †Saurolophinae

Hadrosauridae word verdeel in twee hoof-subfamilies: die Lambeosaurinae, met hol kamme op die skedel, en die Saurolophinae of Hadrosaurinae, wat nie hol kamme gehad het nie (maar soms soliede kamme). Hulle is bekend as eendbek-dinosourusse vanweë die ooreenkoms tussen hul koppe en dié van moderne eende. In sommige genera was die hele voorkant van die skedel plat en het dit breër geword om ’n snawel te vorm; dit was ideaal vir die afbyt van blare en takkies in die woude van Asië, Europa en Noord-Amerika. Die agterkant van die mond het egter duisende tande gehad om die kos fyn te maal voordat dit gesluk is. Dit was vermoedelik ’n belangrike faktor in die sukses van die groep in die Kryt in vergelyking met die Sauropoda.