Felsies
Die geologiese term felsies verwys na stollingsgesteentes wat silikaatryk is (SiO2 > 63% van die gewig). Wanneer die silikaat inhoud van die stollingsgesteentes laer raak, is die gesteentes mafies, terwyl gesteentes wat 'n baie lae silikaat inhoud het ultra-mafies is. Hierdie gesteentes is gewoonlik ryker aan Si, O, Al,Na en K, terwyl mafiese gesteentes ryker is aan Mg en Fe.
Felsiese gesteentes is gewoonlik ligter van kleur, met 'n soortlike gewig van minder as 3.
Voorbeelde van algemene felsiese minerale is Kwarts en Veldspaat, en Graniet is 'n felsiese gesteente.
Felsiese minerale soos Kwarts en Veldspaat kan nie in 'n ultra-mafiese stollingsgesteente voorkom nie, aangesien die SiO2 eers opgebruik sal word om minerale te vorm, voordat dit as laer temperatuur felsiese minerale kan kristalliseer. Dus kan ultramafiese minerale soos Olivien nie in 'n silikaatryke magma vorm nie.