Boutros Boutros-Ghali
Boutros Boutros-Ghali (Arabies: بطرس بطرس غالي Buṭrus Buṭrus Ghālī , Egiptiese Arabies: [ˈbotɾos ˈɣæːli]; 1922–2016) was 'n Egiptiese politikus en van 1992 tot 1996 die sekretaris-generaal van Verenigde Nasies. Hy is veral gekritiseer omdat die VN nie by nie burgeroorlog en volksmoord in Rwanda ingegryp het nie. Van 1997 tot 2002 was hy die sekretaris-generaal van La Francophone, ’n internasionale organisasie vir Franssprekende lande.[1]
| Boutros Boutros-Ghali | |
 Boutros Boutros-Ghali in 2002 | |
6de Sekretaris-generaal van die Verenigde Nasies
| |
| Ampstermyn 1 Januarie 1992 – 31 Desember 1996 | |
| Voorafgegaan deur | Javier Pérez de Cuéllar |
|---|---|
| Opgevolg deur | Kofi Annan |
1ste Sekretaris-generaal van Francophonie
| |
| Ampstermyn 16 November 1997 – 31 Desember 2002 | |
| Voorafgegaan deur | Nuwe amp |
| Opgevolg deur | Abdou Diouf |
Waarnemende Minister van Buitelandse Sake
| |
| Ampstermyn 17 September 1978 – 17 Februarie 1979 | |
| Eerste minister | Mamdouh Salem Mustafa Khalil |
| Voorafgegaan deur | Muhammad Ibrahim Kamel |
| Opgevolg deur | Mustafa Khalil |
| Ampstermyn 17 November 1977 – 15 Desember 1977 | |
| Eerste minister | Mamdouh Salem |
| Voorafgegaan deur | Ismail Fahmi |
| Opgevolg deur | Muhammad Ibrahim Kamel |
Persoonlike besonderhede
| |
| Gebore | 14 November 1922 Kaïro, Egipte |
| Sterf | 16 Februarie 2016 (op 93) Kaïro, Egipte |
| Politieke party | Arabies Sosialistiese Unie (Voor 1978) Nasionaal-Demokraties (1978–2011) Onafhanklik (2011–2016) |
| Eggenoot/-note | Leia Maria Boutros-Ghali |
| Kind(ers) | 9 |
| Alma mater | Kaïro Universiteit Pantheon-Sorbonne Universiteit Instituut vir Politieke Studies, Parys |
| Religie | Kopties-Ortodokse Kerk |
| Handtekening | 
|
Lewensloop
wysigBoutros-Ghali is op 14 November 1922 in Egipte uit 'n ryk Kopties-Christelik geslag gebore. Sy grootvader was eerste minister van Egipte in 1910. Hy het vir die regerings van Anwar Sadat en Hosni Mubarak gewerk en het in 1977 Sadat na Jerusalem vergesel. Hy speel 'n belangrike rol in die Camp David-akkoorde se totstandkoming. Onder Mubarak werk hy om Egipte opnuut 'n rol te gee in die Organisasie vir Afrika-eenheid, die Beweging van Onverbonde Lande en die Organisasie van Islamitiese Samewerking.
In 1996 word hy Sekretaris-Generaal van die Verenigde Nasies. Die Koue Oorlog is verby en hierdie organisasie soek na sy nuwe rol in die wêreld. Hy is die eerste sekretaris-generaal van 'n land in Afrika en van die Arabiese wêreld. Hy probeer die groot probleme in Somalië aan te pak, veral die hongersnood die daar uitbreek, maar die resultate is nie bevredigend nie. Ook die situasies in Bosnië en Rwanda kan hy nie ontlont nie.
Hy poog ook die organisasie van die VN te hervorm. Hy ontslaan mense of verlaag hulle posisie op 'n manier wat hom die bynaam 'die farao' verleen.
Die Verenigde State is skepties oor hom en weier meer as $1 miljard (VS$) in agterstallige bydrae te betaal. In 1996 wil 10 lede van die Veiligheidsraad hom vir 'n tweede termyn voordra, maar Amerika spreek sy veto uit en hy word deur Kofi Annan vervang.
Hy sterf in die Al Salaam hospitaal in Kaïro op Dinsdag, 16 Februarie 2016. Hy was 93 jaar oud.[2]
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ (en) "Huffington Post: Former UN Secretary-General Boutros Boutros-Ghali Dies At 93".
Eksterne skakels
wysigWikimedia Commons het meer media in die kategorie Boutros Boutros-Ghali.