Al-An'am

Al-An‘âm (Arabies: ٱلْأَنْعَام, "Die Grootvee") is die 6de soera, of hoofstuk, van die Koran. Dit bevat 165 ajat, of verse. Dit is 'n Mekkaanse soera, wat beteken dit is in Mekka geopenbaar, vermoedelik ten volle in die laaste jaar van die Mekkaanse tydperk van Islam.^[1]

Dit kom in die Koran ná al-Bakarah, Ali Imran, an-Nisa en al-Ma'idah, en behandel sulke temas soos die duidelike tekens van Allah se mag, die boosheid van heidensdiens, die Goddelike openbaring, boodkappers en die Dag van Herrysenis. Dit vertel die storie van die profeet Abraham,^[2] wat 'n beroep op ander gedoen het om op te hou om hemelliggame te aanbid en hulle tot Allah te wend.