Tourettesindroom
| Tourettesindroom | ||
| Klassifikasie en eksterne bronne | ||
| ||
| Georges Gilles de la Tourette (1857–1904) | ||
| ICD-10 | F95.2 | |
| ICD-9 | 307.23 | |
| eMedicine | med/3107neuro/664 | |
 Mediese waarskuwing
| ||
Tourettesindroom of Tourette se siekte is 'n oorerflike neurologiese versteuring wat meervoudige motoriese en/of vokale spiertrekkings veroorsaak. Die siekte is vernoem na Gilles de la Tourette, die persoon wat dit eerste beskryf het.
Tourettesindroom begin gewoonlik tussen 4 en 14 jaar, gewoonlik met spiertrekkings van die gesig, arms en bene. Later begin die persoon gewoonlik onwillekeurige geluide maak, byvoorbeeld keelskoonmaak, hoes, grom en snuif. Koprolalie (onbeheerste gebruik van kru taal) kom ook in enkele gevalle voor. Dit is meer algemeen by mans as vroue.
Mense met Tourettesindroom het 'n normale intelligensie en 'n normale lewensverwagting. Dit raak gewoonlik beter namate 'n persoon ouer word en daar is nie baie volwassenes met ernstige Tourettesindroom nie. Minder as 15% van mense met Tourette het koprolalie.
Die meeste mense met Tourette het nie behandeling nodig nie. Desnieteenstaande is medikasie beskikbaar wat daarvoor kan help. Daar is ook terapieë wat mense help om makliker daarmee saam te leef.
